Astana qalasyndaǵy Ońtústik Qazaqstan oblysynyń kúnderi aıasynda ótip jatqan aýyl sharýashylyǵy taýar óndirýshileriniń jármeńkesinde Maqtaral aýdanynan barǵan birneshe ónimder tegin taratyldy.
OQO Maqtaral aýdanynyń 10 tonna qaýyny men 350 kg qaýynnyń qaǵy astanalyqtarǵa tegin tartý etildi. Sondaı-aq, aýdannan jiberilgen 3 tonna qyzanaq, 3 tonna qııar, 2 tonna qyryqqabat, 2 tonna pııaz, 2 tonna sábiz, 1 tonna bolgar buryshy, 2 tonna baklajan, 3 tonna kartop, 15 tonna qarbyz, 15 tonna qaýyn t.b. 1 tonna jemis-jıdek ónimderi 15 % jeńildikpen satylýda.
"Álemdegi eń tátti qaýyn Myrzashóldiń qaýyny desem artyq aıtqandyq emes. Degenmen, Astanada baǵasy qymbat bolǵandyqtan, kóp stýdentterdiń ony satyp alýǵa qaltasy kótere bermeıdi. Búgin astanalyqtardyń, ásirese astanalyq stýdentterdiń qýanyshynda shek joq. Astanadaǵy Ońtústik Qazaqstan oblysy kúnderi aıasynda tegin qaýyn taratylyp jatqanyn estip, kelip otyrmyz. Jańa oqý jylyn osylaısha molshylyqpen bastap jatyrmyz" - dedi Aıdana Bazarbaeva.