Qaýyshý

Shyǵys Qazaqstan men Túrkııanyń Býrsa provınsııasy baýyrlas aımaqtarǵa aınaldy Jaqynda Shyǵys Qazaqstan oblysynyń ákimi Berdibek Saparbaev Túrkııanyń ekonomıkalyq jaǵynan eń bir jaqsy damyǵan Býrsa provınsııasynda ashylǵan bıznes-forýmnyń jumysyna qatysty. Býrsa – hımııa óndirisi, jıhaz jasaý jáne qurylys salasy jaqsy damyǵan iri ónerkásiptik aımaq. Ol Túrkııadaǵy toqyma ónerkásibiniń ortalyǵy retinde de tanymal. Mun­da avtomobıl jáne máshıne jasaý, metallýrgııa salalarynyń óndiris­tik býyndary da ornalasqan. Aı­maq­ta «Reno», «Fıat» jeńil kólik­terin, olarǵa qosalqy bólshekter, orta qýatty júk máshınelerin shyǵa­ra­tyn zaýyttar bar. Túrkııa avtomobıl eksportynyń 75 paıyzyna jýyǵyn quraıtyn Býrsa – eldegi iri avtomobıl eksporttaýshy ortalyq. Kezdesý kezinde Berdibek Saparbaev pen Býrsa provın­sııa­sy­nyń gý­bernatory Shahabattın Harpýta óz­ara saýda-ekonomıkalyq seriktestik, sondaı-aq, Býrsa men Shy­ǵys Qazaq­stan oblysy arasyn­da kelisilgen baýyrlastyq qarym-qatynasty odan ári damytýdyń bola­shaǵy jaıynda keńinen áńgime qozǵady. Býrsa qala­sy­nyń meri jáne saýda-ónerkásip palatasy keńesi tóraǵasynyń oryn­ba­­sa­ry­­men de keleli áńgime boldy. О́ndiris salasyndaǵy áriptes­tik­pen qosa, forýmǵa qatysqan Shyǵys Qazaqstan oblysynyń bıznesmenderin túrik kásipkerleriniń týrızm sala­syndaǵy asa baı tájirıbeleri de qy­zyqtyrdy. Býrsa aımaǵy taý shań­­ǵ­ysy kýrorttarymen áıgili, tabıǵa­ty jaǵynan bizdiń oblys­pen uqsas jerleri az emes. Olar­dyń joǵary damyǵan ınfra­qu­rylymy Shyǵys Qazaqstanǵa óte-móte qa­jet-aq. Bıznes-forým aıaqtalǵan soń oǵan qatysýshylar sýret kórmesi­men tanysyp, Shyǵys Qazaqstan óner ujymdary ázirlep aparǵan kon­sertti tamashalady. Shyǵys­qazaq­standyqtar sondaı-aq, Túr­kııa­daǵy 220-dan asa kásiporyn or­nalasqan Býrsa qalasynyń óner­ká­sip aımaǵymen muqııat tanysty. Ońdasyn ELÝBAI, О́skemen.