1-4 qarasha aralyǵynda Almaty qalasynda «Amanat musis» atty Respýblıkalyq konkýrs-festıvali ótedi.
Shara «Alataý» dástúrli óner teatrynyń qurylǵanyna jyl tolýyna, sonymen qatar Qazaqstannyń eńbek sińirgen qaıratkeri, ánshi Sáýle Janpeıisovanyń jetekshiligimen ashylǵan «Amanat» óner ortalyǵynyń bir jyldyǵyna oraı uıymdastyrylyp otyr.
Uıymdastyrýshylardyń aıtýynsha, baıqaýdyń basty maqsaty daryndy jastarǵa shyǵarmashylyq qoldaý kórsetip, patrıottyq sezimderin asqaqtatý.
Konkýrs-festıval tórt nomınasııa boıynsha ótedi: dástúrli án, jyr-terme (ulttyq aspap súıemelimen jeke oryndaý); halyq aspaptarynda jeke kúı oryndaý; estradalyq vokal (jeke oryndaý); halyqtyq ansamblder (dýet, trıo, kvartet, t. b., 15 adamǵa deıin).
Baıqaýǵa respýblıkamyzdyń barlyq oblystarynyń jáne Almaty, Astana qalalarynyń 5-25 jas aralyǵyndaǵy ónerpazdary qatysa alady.
Qazylar alqasynyń quramy mádenıet jáne óner qaıratkerlerinen, sonymen qatar kásibı mamandardan turady.
Qatysý erejelerimen www.amanat-music.kz/konkurs saıtynan oqı alasyz.