Almatyda «Latyn álipbıi: rýhanı táýelsizdik joly» atty shara ótti

«Memlekettik til – meniń bolashaǵym» aqparattyq nasıhattaý sharasy aıasynda tanymdyq úlgidegi stý­dent­­ter arasyndaǵy ózara oı qozǵaǵan, pikir bólisken qyzyqty kesh boldy. Keshti joǵary oqý orny­nyń Etıkalyq keńesiniń tóraıymy, professor Janar Mustafına kirispe sózben ashty. Bıylǵy oqý jylyn­daǵy stýdentterge erekshe jylylyq syılaǵan, kóńildi ter­­betken sóz boldy. «Ejelgi tilder jaıly áńgime qoz­ǵal­ǵanda, eń aldymen eski latyn men grek tilderi ke­ledi. Elbasymyzdyń «Bolashaqqa baǵdar: rýhanı jań­ǵy­rý» maqalasyn oqyp, jaqsy áser aldym. Elbasy óz oılaryn túıindep, áńgimeni ulttyq sana­dan bastaıdy.

Negizinen ulttyq sanaǵa áser etetin qýatty kúsh ana tilinen bastaý alady. Tilimizdi latyn álipbıine kóshirý máselesin halyq talqysyna usynýy men úshin de shat-shadyman sát dep bilemin. Latyn álipbıi el bolashaǵy jolyndaǵy jarqyn sátterimizdiń araıly kezeńderiniń kórinisi retinde erekshelenetin kez bolyp qala berse kerek. Búgingi jastar, myna sizder úshin ǵylymı ınnovasııa kezinde latyn áripterin oqyp, jaza alatyn dáýirdiń ashylǵany kóńilge qýanysh uıalatady. Munyń ózi erteńge degen úlken senim, jastarǵa berilip otyrǵan úl­ken múmkindik. Latynsha jaza alatyn erteńgi dáriger tolyq­qandy maman dep bilemin. Adamdyq faktordyń uly óz­geristeriniń biri dep sezinemin», dedi J.Mustafına.

О́z kezeginde «Halyq­aralyq termınderdi latyn álipbıimen jazý» máseleleri jóninde Qazaq tili jáne kásibı qazaq tili kafedrasynyń dosenti Tóleýbek Zaısanbaev aıtyp berdi. 

Sonymen qatar ol Elbasy maqalasynda aıtylǵan latyn álipbıine kóshý máselesi jáne «Týǵan jer» baǵdarlamasyn qabyldaý jónindegi usynysynyń aıryqsha mańyzdylyǵyna toqtalyp ótti. «Latyn álipbıi: ar­tyq­shylyǵy jáne basym baǵyttary» jaıynda tar­tymdy áńgimeler aıtqan «Qazaq tili jáne kásibı qazaq tili» kafedrasynyń oqytýshysy Nazym Tóleeva­nyń áńgimesin jastar uıyp tyńdady. Latyn álipbıine kóshý ýaqyt talaby ekenin bildiredi. Jastardyń oqýyna tyń serpin beretinin ańǵartqan erekshe qubylystyń baryn sezingen stomatologııa fakýltetiniń dekany me­dısına ǵylymdarynyń kandıdaty, dosent Baqanaı Aman­taev keshti ornyqty oılarmen qorytyndylady.

Saparbaı PARMANQUL, «Egemen Qazaqstan»

ALMATY