8 qazanda «Astana Arena» stadıonynda ótetin Kazahstan – Armenııa komandalary arasyndaǵy fýtbol matchynyń jankúıelerin kóliktik qamtamasyz etý maqsatynda arnaıy avtobýstar bólinedi. Bul týraly Astana ákimdiginiń baspasóz qyzmeti habarlady.
«Oıyndy kóremin deýshiler «Qazaqstan» SK, «Nur Astana» meshiti, «Jastar» saraıy», «Astanalyq sırk» turaqtarynan saǵat 20: 00-den 21:00-ge deıin jınalady.
Arnaıy avtobýstardyń júrý aqysy - 90 teńge, júrý bıletteri men jeńildigi bar bıletter jaramsyz», - delingen taratylǵan aqparatta.
Aıta keteıik, oıyn aıaqtalǵan soń qalaǵa № 10, 12, 28, 40, 51, 303 qoǵamdyq kóliktermen jetýge bolady. Sondaı-aq, saǵat 23.00-den bastap Qabanbaı batyr dańǵyly boıynsha stadıonnyń turaǵy men «Astana Arena stadıony» aıaldamasynda jankúıerlerdi qalaǵa aparatyn avtobýstar uıymdastyrylady.