Búgin Qazaqstan Respýblıkasy Syrtqy ister mınıstriniń orynbasary Roman Vasılenko Shvesııa Koroldiginiń Qazaqstan Respýblıkasyndaǵy Tótenshe jáne О́kiletti Elshisi Hrıstıan Kamıllge onyń dıplomatııalyq mıssııasynyń aıaqtalýyna baılanysty «Qazaqstan Respýblıkasynyń qurmet gramotasy» memlekettik nagradasyn tabystady. Bul týraly mfa.kz habarlady.
QR Prezıdenti N.Á.Nazarbaevtyń tıisti Jarlyǵynda H.Kamıll Qazaqstan Respýblıkasy men Shvesııa Koroldigi arasyndaǵy tabysty yntymaqtastyqty damytýǵa sińirgen eńbegi úshin Qurmet gramotasy berilip otyrǵany atap ótiledi.
R.Vasılenko Elshi H.Kamılldiń eki el arasyndaǵy saıası dıalog, ekonomıkalyq ózara is-qımyl jáne mádenı baılanystardy damytýǵa baǵyttalǵan tıimdi qyzmetin basa aıtty.
Elshi H.Kamıll jumys atqarǵan jyldary Rıksdag (shved parlamenti) spıkeri Ý.Alın jáne Shvesııa Koroldiginiń Aýyl sharýashylyǵy mınıstri S.Býhtyń Qazaqstanǵa resmı saparlary ótkizildi. Eki eldiń syrtqy ister mınıstrleri Q.Ábdirahmanov jáne M.Valstrıom ústimizdegi jyly halyqaralyq forýmdar aıasynda úsh ret kezdesti. 2017 jylǵy qańtarda Qazaqstan Respýblıkasy men Shvesııa Koroldigi BUU Qaýipsizdik Keńesinde birlesken jumysyn bastady jáne búgingi kúni uıymnyń kún tártibi boıynsha qarýdy taratpaý jáne qarýsyzdandyrý máseleleri boıynsha tyǵyz yntymaqtasýda.
Business Sweden – Shved saýda jáne ınvestısııalyq keńesiniń qoldaýymen óziniń joǵary tehnologııalyq jáne ınnovasııalyq ázirlemelerimen tanymal iri shved kompanııalarynyń sapary ótti.
Qazaqstandyqtar shved sýretshisi T.Krabonyń ıadrolyq qarýdy taratpaý jáne qarýsyzdandyrý taqyryby boıynsha Astana, Almaty, Kýrchatov qalalarynda qoıylǵan kórmelerine aıryqsha qyzyǵýshylyq bildirdi. «Astana Opera» Memlekettik opera jáne balet teatrynyń orkestri jáne Shvesııa Koroldigi kameralyq orkestriniń negizgi dırıjerleriniń biri M.Lıleforstiń jetekshiligimen birlesip uıymdastyrylǵan konsert tabysty ótti.
H.Kamıll ekijaqty yntymaqtastyqty nyǵaıtýǵa qosqan úlesin joǵary baǵalaǵany úshin Qazaqstan Respýblıkasynyń basshylyǵyna jáne birqatar ortaq is-sharalardy ótkizýge yqpal etip, Shvesııa Koroldiginiń Elshiligimen nátıjeli ózara is-qımyly úshin syrtqy saıası vedomstvoǵa alǵys bildirdi.