Jańa...

...KО́KО́NIS QOIMASY ISKE QOSYLDY Oblys ortalyǵynda úde­me­li ındýstrııalyq-ınnova­sııa­lyq damý memlekettik baǵ­darlamasy aıa­syn­da syıymdy­lyǵy 3 000 ton­na­lyq alty sek­sııaly jańa kók­ónis koı­ma­sy paıdalanýǵa berildi. Qu­rylys nysanyn salǵan «Kı­lıko-Týn» JShS dırektory Baýyrjan Aıtmuhambetovtiń aı­týynsha, kókónis qoımasy tońa­zyt­qysh, jeldetkish qu­ral-jab­dyq­tarmen, mıkroklımat jasaý, qashyqtyqtan bas­qa­rý, suryptaý, oraý teh­nı­kalarymen, transporterlermen jaraqtandyrylǵan. Kókónis qoımasyn paıda­laný­ǵa berýge 235,0 mıllıon teńge ınvestısııa jumsaldy. Munda 13 ju­mys orny ashyl­dy. Qazir qoı­maǵa 1500 tonna pııaz, 600 tonna kartop saq­taýǵa qoıyldy. Satybaldy SÁÝIRBAI. Aqtóbe oblysy. * * * ...ÁKIMGE JUMYS KО́P Nurlan Kúljan oblys áki­mi Baqytjan Saǵyntaevtyń óki­mi­men jáne aýdandyq más­lıhattyń kelisimimen Qashyr aýdanynyń áki­mi bolyp ta­ǵaıyndaldy. Nur­lan Muqa­taı­uly baıanaýyldyq, Semeıde oqyǵan, ásker qatarynda bolǵan, aýylda eńbek etken. Bir sózben aıtqanda, ábden ysylǵan, ómir kórgen jigit. Memlekettik basqarý oryn­darynda jumys istegen, Prezıdent Ákimshiligi Uı­ym­dastyrý jumystary bóliminiń sarapshysy bolǵan. Bes jyl Eki­bas­tuz qalasy ákiminiń oryn­­ba­sary qyzmetin atqardy. Al Qashyrda isteıtin ju­mys­tar jetkilikti. Máselen, Batpaq­kól aýyly jaryqsyz otyr... Farıda BYQAI. Pavlodar oblysy. * * * ...FILMNIŃ ATY – «STÝDENTTIK KEZ» Atyraýda ótken jyldan beri jastarǵa arnalǵan komedııa janr­yn­daǵy fılm túsi­rilýde degendi estigen edik. Taıaýda «Stýdenttik kez» dep atalatyn jańa fılmniń tu­saý­keseri ótti. Bul – munaıly óńir jastarynyń qatysýymen jáne Atyraý qalasynda tú­siril­gen tuńǵysh kınotýyndy. Atalǵan komedııalyq týyn­dy­nyń avtory – Taımas Sa­pa­raly. Ol fılmniń ssenarııin ózi ja­zyp­ty. Rejısserlikti ózi atqar­ǵan. Kameraǵa da ózi túsirip, mon­taj­dy da ózi jasapty. Osynyń bári 4 aıda daıyn bolǵan. Fılmde negizinen stýdent jastardyń ómiri qamtylatyndyqtan, ony «Stýdenttik kez» dep atapty. Joldasbek ShО́PEǴUL. Atyraý.