Aitu ekojúıesi kúndelikti qoldanýǵa arnalǵan otandyq sıfrlyq servısterdi damytýdy jalǵastyrýda. Kóldeneń aýqymdaý strategııasyn iske asyrýdyń nátıjesinde 2025 jyldyń qorytyndysy boıynsha Aitu ekojúıesiniń aı saıynǵy belsendi paıdalanýshylarynyń sany 900 myńnan asty, dep habarlaıdy Egemen.kz.
Sońǵy alty aıdaǵy derekter aýdıtorııa belsendiliginiń joǵary ekenin kórsetedi. Ekojúıe servısterin kún saıyn 190 myńǵa deıin adam paıdalanady. Bul platformanyń kúndelikti mindetterdi sheshýdegi negizgi quralǵa aınalǵanyn dáleldeıdi.
Tek ótken aıdyń ózinde Aitu arqyly 2 mıllıonnan astam mátindik habarlama jiberildi, 180 myńnan asa medıafaıl (foto jáne vıdeo) joldandy, habarlamalarǵa shamamen 150 myń reaksııa qoıyldy, 24 myńnan astam aýdıo qońyraý jasaldy, 21 myń aýdıohabarlama jiberildi jáne chattarda 6 500-den astam top quryldy.
AI2U jasandy ıntellekt assıstentteri ekojúıedegi eń suranysqa ıe quraldardyń birine aınalýda. Qazirgi tańda paıdalanýshylarǵa qajettilikterdi taldaý negizinde qalyptastyrylǵan 18 baǵyt qoljetimdi. Qańtar aıynda keńes berýshi assıstent, aýdarmashy jáne shet tilderin úırenýge arnalǵan kómekshi eń joǵary qyzyǵýshylyqqa ıe boldy.
Sonymen qatar Aitu-daǵy arnalardyń tanymaldyǵy artyp keledi - paıdalanýshylar óz medıaplatformalaryn belsendi túrde iske qosýda. Kontent barǵan saıyn jergilikti sıpat alyp otyr: qazaqstandyq kún tártibine, jańalyqtarǵa, qoǵamdyq ómir men sportqa arnalǵan arnalar sany ósýde. Búginde platformadaǵy arnalardyń jalpy sany 42 000-nan asty.
Birtutas tehnologııalyq qýatBúginde bizdiń ekojúıe – bul tek Aitu SuperApp qana emes, sonymen qatar jetekshi seriktes servıster damyp jatqan senimdi ári qorǵalǵan otandyq platforma. Biryńǵaı qaýipsizdik arhıtektýrasy men tehnologııalyq negiz ártúrli baǵyttaǵy paıdalanýshylar men aýdıtorııaǵa qyzmet kórsetýge múmkindik beredi:
Aitu SuperApp – aı saıyn 500 myńnan astam belsendi paıdalanýshysy (MAU) bar flagmandyq qosymsha.
Telecom.kz («Qazaqtelekom» AQ) Aitu sıfrlyq platformasy negizinde – telekom-serikteske arnalǵan mamandandyrylǵan sheshim, iske qosylǵan sátten beri turaqty ósim kórsetip keledi.
Platonus Aitu sıfrlyq platformasy negizinde – joǵary oqý oryndary men kolledjderge arnalǵan bilim berý baǵyty, ondaǵan myń stýdentti sıfrlyq ortaǵa biriktiredi.
О́sý strategııasy jáne jańa kókjıekter
2026 jyl Aitu-dyń odan ári damýy úshin mańyzdy kezeń bolmaq. Biz naryqtaǵy iri oıynshylarmen tereń ıntegrasııa arqyly ekojúıe aıasyn keńeıtýdi jalǵastyramyz. Jaqyn josparlarda – Aitu tehnologııalary negizinde memlekettik sıfrlyq platformalar men iri baılanys operatorlary úshin uqsas strategııalyq áriptestik modelderin iske qosý bar. Bul Aitu-dy aýqymdy sıfrlyq servıster men ınfraqurylymdyq sheshimderdi qurý jáne damytýǵa arnalǵan ámbebap «qozǵaltqyshqa» aınaldyrady.
«Biz bilim berý platformalarynan bastap memlekettik servısterge deıin kez kelgen aýqymdaǵy mindetterge ońaı beıimdeletin ıkemdi ári qaýipsiz orta qurdyq. Belsendi paıdalanýshylar sanynyń mıllıonǵa jýyqtaýy - aýqymdaý strategııamyzdyń naryqtan ozyq jumys istep jatqanyn kórsetedi», deıdi Aitu ázirleýshisi BTS Digital kompanııasynyń ókilderi.
Aitu mýltıplatformalyq qoljetimdilikti damytýdy jáne AI-assıstentter men medıa-servısterdi qosa alǵanda, ozyq quraldardy engizýdi jalǵastyrýda. Bul mıllıondaǵan adamnyń sıfrlyq ómirin jeńildetip, tıimdi ete túsedi.