Túrki memleketteri uıymy (TMU) keler jyly orbıtaǵa birlesken ǵylymı-tehnologııalyq spýtnıgin ushyrady. Qazirgi ýaqytta jobanyń syzbasy syzylyp, qurastyrý satysy qolǵa alyndy, dep habarlaıdy Egemen.kz.
Jasandy ıntellekt jáne sıfrlyq damý mınıstrligi negizgi joba retinde Ázerbaıjan, Túrkııa jáne О́zbekstandaǵy áriptesterimen tyǵyz yntymaqtastyqta ázirlep jatqan CubeSat-12U ǵylymı-tehnologııalyq spýtnıgin atady. Joba sınergııa qaǵıdaty boıynsha júzege asyrylyp jatyr. Astanadaǵy otandyq ǵarysh salasynyń mamandary otandyq Qurastyrý-synaq kesheni bazasynda jobalaý men jalpy qurastyrýǵa jaýap beredi. О́zbek tarapy qozǵaltqysh qondyrǵysyn ázirleıdi, al Túrkııadaǵy seriktester kún panelderi men baǵdarlamalyq qamtamasyz etýdi usynady.
Jaslan Mádıev: Sıfrlyq dáýirde derbes derekterdi qorǵaý máselesi erekshe mańyzǵa ıe
«Biz úshin bul joba − jaı ǵana taǵy bir apparatty ushyrý emes. Bul − bizdiń elderimiz úshin alǵashqy naqty tehnologııalyq birigý núktesi. Kelesi jyly spýtnık orbıtaǵa shyqqanda, bul túrki memleketteriniń eń kúrdeli ǵylymı mindetterdi birlesip júzege asyra alatynyn dáleldeıtin ortaq jetistik bolady», dedi Jaslan Mádıev.
Joba qazirdiń ózinde syzbalar kezeńinen ótip, júıelerdi naqty qurastyrý satysyna kóshti. Spýtnıkti ushyrý kelesi jylǵa josparlanǵan. Bul túrki memleketteriniń tehnologııalyq ambısııalarynyń baıyptylyǵyn dáleldeıtin mańyzdy kezeń bolmaq.
1 mln adamdy JI-ge baýlımyz - Jaslan Mádıev
Qazirgi tańda qatysýshy elder mıssııanyń sátti bastalýyn qamtamasyz etý úshin TMU Hatshylyǵy arqyly quqyqtyq jáne uıymdastyrýshylyq máselelerdi pysyqtap jatyr. Mundaı yntymaqtastyq tek tájirıbe almasýǵa ǵana emes, sonymen qatar ortaq ınjenerlik mektep pen orbıtadaǵy jańa birlesken jańalyqtarǵa negiz bolatyn naqty joǵary tehnologııalyq ónim jasaýǵa múmkindik beredi.
Jasandy ıntellekt orta bilim berý júıesin damytýdyń basym baǵyttarynyń birine aınalady
Aıta keteıik, Memleket basshysy Qasym-Jomart Toqaev Túrki memleketteri uıymynyń beıresmı sammıtinde sóz sóılep, túrki elderiniń jasandy ıntellekt ortalyqtarynyń jelisin qurýdy usyndy.