Atyraý oblysy boıynsha qylmystyq ister jónindegi mamandandyrylǵan aýdanaralyq sotta Sultan Sársemalıv isi boıynsha sot prosesi jalǵasyp jatyr. Ol burynǵy jubaıynyń tórt týysyn óltirdi dep aıyptalyp otyr, dep habarlaıdy Egemen.kz.
Sotta prokýror Mıras Baýyrjanov aıyptaý aktisin oqyp, qylmystyń hronologııasyn baıandady. Tergeý nusqasyna sáıkes, alǵashqy qurban burynǵy áıeliniń aǵasy Naýryz Muqanǵalıev bolǵan. Oqıǵadan keıin kúdikti Jangeldın aýylyna barǵan.
Prokýrordyń aıtýynsha, sol jerde onyń burynǵy jubaıynyń týystarymen janjal týyndaǵan. Tergeý nusqasynda ol as úı pyshaǵymen burynǵy áıeliniń anasyn jáne keıinnen qaıyn atasyn óltirgeni aıtylǵan.
Atyraýda 4 adamdy óltirgen kúdikti ómir boıyna bas bostandyǵynan aıyrylýy múmkin
Odan keıin ol burynǵy áıeliniń ápkesi Meıramgúldi taksımen Atyraýǵa jetkizip, Munaıshy shaǵynaýdanyndaǵy jaldamaly úıde óltirip, denesin aýlaǵa kómgen. Tergeý málimetinshe, sol jerdegi bir qabirde buǵan deıin Naýryz Muqanǵalıevtiń denesi bolǵan.
Sot barysynda jábirlenýshilerdiń týystary otbasynyń ajyrasý sebepterine aralasý bolmaǵanyn aıtyp, bul nusqany joqqa shyǵardy.
Sot prosesinde kúdikti bar kinásin moıyndap, qylmysty qasaqana uıymdastyrǵanyn málimdegen bolatyn.