Portýgalııalyq áıgili bapker Joze Moýrıno madrıdtik «Real Madrıd» klýbymen kelisimshartqa otyrýǵa kelisti. Bul týraly ınsaıder Fabrısıo Romano jazdy, dep habarlaıdy Egemen.kz.
Jýrnalıstiń málimetinshe, bapker klýbpen eki jyldyq kelisimshartqa qol qoıady. Moýrınonyń Madrıdke oralýy týraly resmı habarlama aı sońyna deıin jarııalanbaq.
«Barlyq sharttar aýyzsha túrde kelisilgen», dep jazdy Romano.
Portýgalııalyq maman «Realdy» 2010-2013 jyldary jattyqtyrǵan. Osy kezeńde ol komandamen Ispanııa kýbogin jeńip alyp, «Barselonanyń» Ispanııa chempıonatyndaǵy úsh jyldyq ústemdigin toqtatty.
«Real» sońǵy eki jylda ishki jáne eýropalyq týrnırlerde birde-bir trofeı jeńe almaǵan. Al sońǵy ýaqytta klýb oıynshylary arasynda daý-damaı kóbeıgen.
Al Moýrıno «Realdan» ketkennen keıin «Chelsı» klýbymen Anglııa chempıonatyn, sondaı-aq «Manchester Iýnaıted» sapynda Anglııa kýbogi men Eýropa lıgasyn jeńip alǵan. Eske sala keteıik, buǵan deıin koroldik klýbtyń burynǵy bapkeri Habı Alonsonyń londondyq «Chelsı» klýbynyń bapkeri atanǵanyn jazǵan bolatynbyz.