Memleket basshysy óńir elderiniń ekonomıkalyq yntymaqtastyǵyn nyǵaıtý men damytý, birlesken ınfraqurylymdyq jobalardy júzege asyrý qaýipsizdik máselesimen tyǵyz baılanysty ekenin aıtty, dep habarlaıdy Egemen.kz.
Prezıdent óńirlik qaýipsizdiktiń tıimdi júıesin qurý úshin «Ortalyq Azııa – Qytaı» formatynyń áleýetin paıdalaný qajettigin jetkizdi.
– Meniń oıymsha, ishki ister mınıstrlikteri bir-birimen yntymaqtastyqty kúsheıtip, qaýipsizdik jáne qoǵamdyq tártip máselelerine qatysty aqparattarmen bólisýge tıis. Bul halyqtarymyzdyń arman-tilegine tolyǵymen saı keledi. Jurtshylyq memleketter basshylarynan óz elderin tártipke keltirip, qalypty ári qaýipsiz ómirge qolaıly jaǵdaı jasaý úshin asa shuǵyl, tıimdi sheshimder qabyldaýdy talap etip otyr. Balalarymyz, jalpy halyq el basshylarynyń, ishki ister mınıstrleri men basqa da vedomstvo jetekshileriniń zańǵa sáıkes qoǵamdyq tártipti saqtaý sharalaryn qabyldap jatqandaryna kózderi jetip, ózderin qaýipsiz sezinýi qajet, – dedi Memleket basshysy.
Qasym-Jomart Toqaev Qazaqstannyń Qytaı Halyq Respýblıkasymen jáne Ortalyq Azııa memleketterimen ózara senim, tatý kórshilik, ortaq jaýapkershilik negizindegi yntymaqtastyqty ilgeriletýge erekshe mán beretinin jetkizdi. Prezıdent «Ortalyq Azııa – Qytaı» elderiniń ishki ister mınıstrlerin qabyldady Kezdesýge qatysýshylar ózara baılanystardy jolǵa qoıýǵa, jedel aqparat almasýǵa, kásibı qarym-qatynastardy damytýǵa jáne quqyq qorǵaý organdarynyń qyzmetine zamanaýı tehnologııalardy engizýge nıetti ekenderin rastady. Prezıdent atalǵan jıynnyń Ortalyq Azııa men Qytaı aýmaǵyndaǵy qaýipsizdikti qamtamasyz etý boıynsha seriktestik pen yqpaldastyqqa tyń serpin beretinine senim bildirdi. Aıta keteıik, búgin Memleket basshysy Oljas Súleımenovti mereıtoıymen quttyqtady.