Nıý-Iorktyń túrmesinde óz-ózine qol jumsaǵan amerıkalyq qarjyger Djeffrı Epshteınnen zardap shegýi múmkin adamdardan túsken aryzdyń sany shamamen 20-ǵa jetti. Bul týraly Parıj prokýratýrasy málimdedi, dep jazady Egemen.kz.
Tergeýdiń maqsaty − Fransııa aýmaǵynda adam saýdasyna qatysty is boıynsha Epshteınniń qylmystyq áreketine kómektesken yqtımal deldaldardy anyqtaý.
«Qazirgi kezeńde jaýapqa tartylýy múmkin tulǵalardan jaýap alynǵan joq», dedi Parıj prokýrory Lor Beko.
Onyń sózinshe, eń aldymen yqtımal jábirlenýshilerdiń aryzdaryn jınap, sodan keıin zattaı dáleldemelerdi zertteý kerek.
Federaldy jaza: AQSh-ta eń aýyr qylmys jasaǵandardy gazben tunshyqtyrýy múmkin
Tergeýdiń sońǵy kezeńinde Epshteınniń kompıýterindegi derekterge, onyń telefonmen sóılesý kezindegi áńgimeleri jáne mekenjaı kitapshalaryna saraptama jasalmaq.
Djeffrı Epshteın 2008-2009 jyldary jezókshelik uıymdastyrǵany úshin jaza ótegen. Ol 2019 jylǵy 6 shildede kámeletke tolmaǵandardy seksýaldyq qanaý aıyby boıynsha qaıta qamaýǵa alynyp, 10 tamyzda Manhettendegi túrme kamerasynda asylyp qalǵan kúıinde tabylǵan.
2025 jyldyń jeltoqsanynda Epshteın isine qatysty qujattardyń alǵashqy bóligi jarııalandy. Al 2026 jylǵy 30 qańtarda AQSh Ádilet mınıstrligi «Epshteın faıldarynan» taǵy 3 mıllıonnan astam bet, 2000 beınejazba jáne 180 myń sýretti jarııa etti.
Zorlyq-zombylyqtan zardap shekken balalarǵa arnalǵan kómek kabınetteri ashylady
Buǵan deıin AQSh-ta endi eń aýyr qylmys jasaǵandarǵa qatysty atý, elektr oryndyǵy jáne gazben tunshyqtyrý ádisteri qoldanylýy múmkin ekenin jazǵan bolatynbyz.