Almatyda «JasSTAR» VIII halyqaralyq festıvali ótti

Shara aıasynda ótetin sheberlik sabaq­tary men shyǵarmashylyq kezdesýlerdiń arqasynda Qazaqstan, Kanada, Vengrııa, Reseı jáne Fran­sııanyń belgili mádenıet jáne óner qaıratkerleri elimizdiń shyǵarmashyl jastaryna shabyt syılap óz tájirıbelerimen bólisti.

Belsendi jastar asyǵa kútetin dástúrli fes­tıval­­diń bıylǵy maýsymy Mem­leket basshysynyń «Rý­hanı jań­ǵyrý» baǵdarlamalyq maqalasynyń aıasynda uı­ym­dastyrylyp otyr. «JasSTAR» festı­vali – shy­ǵar­mashylyq maman­dyq­tardy tańdaǵan stýdentter men belsendi jastar úshin taptyrmaıtyn elimizdegi iri mádenı oqıǵa. Segiz jyldan beri N.Nazarbaev qorynyń jobasy mádenıet jáne óner qaıratkerleri men talantty jastardy bir arnadan toǵys­tyryp, ózara is-áreket etýge jáne tájirıbe almasýǵa jol ashatyn biregeı alańǵa aı­nalyp keledi. Jobanyń basty maqsaty – jastar ara­synda mádenıettiń damýy­na yqpal etý, sondaı-aq jas daryndardyń shyǵar­ma­­shylyq turǵydan ósip-ór­kendeýine qoldaý tanytý.

Festıval jas sýret­shilerdiń «Bolashaqqa kóz­qaras» atty kórmesiniń ashylýymen bastaldy. Kórmege elimizdiń barlyq óńirlerinen kelgen avtorlardyń eń­bekteri usynylǵan. Sýret ónerine qyzyǵatyn jas­tar stanoktik kórkem sýret, portret jáne peızaj janr­larynyń qyr-sy­ry­na qanyǵyp, Reseı, Ýkraına, Qyrǵyzstan men О́z­bekstannyń qylqalam sheber­lerimen kezdesip, pikir almasýǵa múmkindik aldy. Qazaqstan anımasııasynyń 50 jyldyǵyna arnalǵan otandyq mýltfılmder kór­­setilip, «Zamanaýı jas­tar kı­nosynyń baǵdary, kór­­kemdik deńgeıi jáne ja­ńa úr­distegi problemalary» taqy­rybynda dóńgelek ústel ótti.

Birneshe kúnge sozylǵan festıval baǵdarlamasynyń josparyna kıno, horeografııa óneri, teatr, mýltı-flıkasııa, kórkem sýret týraly qyzyqty sheberlik sa­baqtary men arnaıy dáris­ter engizilgen. Shara sheń­berinde Kanadadan kelgen art-menedjment boıynsha jattyqtyrýshy Lıdııa Var­banova ónerdegi sıfrlyq tehnologııalar týraly trenıng ótkizse, Vengr opera teatrynyń juldyzy Álı Tanyqpaeva, tanymal akter Berik Aıtjanov pen S.Gerasımov atyndaǵy BMKI sheberhanasynyń bas­­shysy, belgili kınorejıs­ser Aleksandr Kott óz­deriniń shyǵarmashylyq sheber­likteri men maman­dyqtarynyń qupııa syrlarymen bólisti. Festıval áıgili Jak Offenbahtyń «Pa­rıj ómiri» operattasymen aıaqtalyp, ony ataq­ty fransýz dırıjeri Fı­lıpp Iýımen júrgizgen jumys­tarynyń nátıjesi retinde Qurmanǵazy atyndaǵy Qazaq ult­tyq konservatorııasynyń stýdentteri oryndady.

Arman OKTIаBR, «Egemen Qazaqstan»

ALMATY