Elbasynyń qazaq álipbıin kırıllısadan latyn grafıkasyna kóshirý týraly Jarlyǵy táýelsiz elimizdegi eń basty oqıǵalardyń birine aınalyp otyr. Qoja Ahmet Iаsaýı atyndaǵy Halyqaralyq qazaq-túrik ýnıversıtetiniń oqytýshy-professorlary men stýdentteri latyn álipbıine kóshý Qazaq eliniń rýhanı jańǵyrýyndaǵy jańa qadam ekenin tereń túsinistikpen qabyldap, barynsha qoldaýda.
Buǵan Jarlyqqa qol qoıylǵan kúnnen bastap aýdıtorııalarda ótken basqosýlardaǵy júrekjardy oı-pikirler men tebirenisti lebizder aıqyn dálel.Bilim ordasynyń stýdentterine latyn álipbıine kóshý qıyndyq týdyrmaıdy. Olaı deıtinimiz, bizdiń stýdentterimizge barlyq mamandyqtar boıynsha daıyndyq toptary men birinshi kýrstan bastap-aq aǵylshyn tili men túrik tili tereńdetilip oqytylady.
Jarlyqta naqty kórsetilgendeı, latyn grafıkasyna negizdelgen qazaq tili álipbıiniń bekitilýi, qazaq tili álipbıin latyn grafıkasyna kóshirý jónindegi ulttyq komıssııa qurý, qazaq tili álipbıiniń 2025 jylǵa deıin latyn grafıkasyna kezeń-kezeńmen kóshýin qamtamasyz etý, osy Jarlyqty iske asyrý jóninde ózge de, sonyń ishinde uıymdastyrýshylyq jáne zańnamalyq sıpattaǵy, sharalar qabyldaý maqsatyndaǵy qaýly barshamyzdy jigerlendirip, qýanyshqa bóleýde.
Biz barsha túrki dúnıesi álem elderiniń basym kópshiligi qoldanyp otyrǵan jazýǵa kóshse, birinshiden, ózara aqparat almasýdyń jeńildeıtinine, ekinshiden, jahandyq órkenıetke dańǵyl jol salynatynyna kámil senemiz.
Elbasynyń baǵdarlamalyq maqalasynda alǵa qoıylyp otyrǵan ultymyzdyń rýhanı jańǵyrýyna baǵyttalǵan taıaý jyldardaǵy mindetter birtutas ult bolýǵa, mádenı jáne sana ashyqtyǵyna umtylýǵa, qanymyzǵa sińgen, tamyrymyzda búlkildegen izgi qasıetterdi qaıta túletýge bastaıdy. Halqymyz kırıllısa atalǵan álipbıdiń yqpalynan, anyǵyraq aıtqanda, onyń tolyqqandy ıesi sanalatyn jurttyń saıası-aqparattyq yqpalynan arylatyn kezeńge de jetti. Endi, mine, elimizdiń rýhanı ómirindegi eleýli kezeńge de qadam basqaly turmyz.
Ýálıhan ÁBDIBEKOV, Qoja Ahmet Iаsaýı atyndaǵy
Halyqaralyq qazaq-túrik ýnıversıtetiniń
prezıdenti, professor