Quramynda gınekolog, kardıolog, terapevt, hırýrg, oftalmolog, pedıatr, nevropatolog dárigerler bar «Salamatty Qazaqstan» poıyzy óńirdiń alys aýdandaryna bolyp, turǵyndarǵa tegin medısınalyq qyzmet kórsetti.
«Salamatty Qazaqstan» poıyzynyń bas dárigeri Altyn Myrzahmetovanyń aıtýyna qaraǵanda, kóp salaly dıagostıkalyq qyzmettermen jabdyqtalǵan brıgada Belogradovka, Qaırankól, Aqsýat sekildi oblys ortalyǵynan shalǵaı ornalasqan eldi mekenderge aıaldap, naýqastardyń qaralýyna barlyq múmkindik jasalǵan. Qaırankól stansasynda 200-ge jýyq adam dárigerlerdiń qabyldaýyna jazylǵan. Ásirese nevropatolog pen kardıologtarǵa, ÝZI mamandaryna ótinish bildirýshiler qarasy qalyń bolǵan. Sol sııaqty pedıatrlar da balalardyń densaýlyǵyn jiti tekserip, em-dom sharalaryn belgilep berdi. Monıtorıng júrgizý barysynda soltústikqazaqstandyqtardyń qan qysymy, júrek-qan tamyrlary, qant dıabeti aýrýlaryna kóbirek shaldyǵatyny anyqtalǵan.
Poıyzda dýsh kabınasy, dızeldi generator, jyljymaly zamanaýı qural-jabdyqtar ornatylǵan. Sondaı-aq aýrýy asqynǵan jandarǵa shuǵyl keńes berý maqsatynda ortalyq klınıkalarmen, ınstıtýttarmen baılanys jasaý joldary qarastyrylǵan.
– Aýdan, oblys ortalyqtaryna barýǵa kez kelgen adamnyń shamasy kele bermeıdi. Onyń ústine bilikti mamandar da tapshy. Sondyqtan osyndaı tegin medısınalyq saparlardyń jıi uıymdastyrylǵanyn qalaımyz, – deıdi aýyl turǵyndary.
О́mir ESQALI, «Egemen Qazaqstan»
Soltústik Qazaqstan oblysy