Mańǵystaý oblysynyń Jańaózen qalasynda orta jáne shaǵyn bıznesti qoldaýǵa ári damytý úshin búgin «Bıznes kapıtal» jobasynyń tusaýy kesilip, úshjaqty memorandýmǵa qol qoıyldy.
Kásipkerler qaýymy bul joba óńirde ǵana emes, el ishinde tuńǵysh ret iske asyrylyp otyrǵanyn aıtady. Sondyqtan ony jyl jańalyǵyna balap, barlyǵy jyly qabyldaýda. Baǵdarlamany qarjylandyrý «Damý» Qorynyń jáne «О́zenmunaıgaz» AQ jer qoınaýyn paıdalaný kelisim-sharty aıasynda jergilikti atqarýshy organǵa beretin qarajattary esebinen júzege asyrylatyn bolady. Qarjylandyrý kólemi: baǵdarlama boıynsha jalpy somasy – 1 mld. 50 mln. tengeni, onyń ishinde: «О́zenmunaıgaz» AQ-nyń 350 mln. teńge, «Damý» Qorynyń qarjysy - 700 mln. teńge.
-Orta jáne shaǵyn bıznespen aınalysamyn degen árbir azamatqa tolyqtaı múmkindik jasalynyp otyr. Úsh jaqtyń qatysýy arqyly júzege asatyn baǵdarlamany bastaýǵa ázirmiz. «О́zenmunaıgazdan» alynatyn aqshanyń 350 mln. teńgesin «Damý» qoryna qaıtarymdy negizdegi nesıe retinde beriledi. О́z kezeginde «Damý» qory eki eseden kóp qarajat bóledi. Nátıjesinde barlyǵy 1 mld. 50 mln. tengeni jergilikti kásipkerlerdiń jobalaryn qarjylandyrýǵa jumsaımyz. Qysqasy, bul jerde eshqandaı jergilikti bıýdjettiń qarajaty jumsalmaıdy», dedi Mańǵystaý oblysynyń ákimi Eraly Toǵjanov. Sondaı-aq ol, Jańaózen qalasy monoqala bolǵandyqtan, óndiris jáne qyzmet kórsetý salalarynda jańa nysandardy ashýdy qarjylandyrý arqyly, qala ekonomıkasyn ártaraptandyrý qajet.
Jańaózen arqyly oblystyń túrli kórikti jerlerine aparatyn týrıstik baǵyttar ótedi («Kendirli» demalys aımaǵy, tabıǵı kórikti jerler, dinı ǵıbadat oryndary), soǵan baılanysty servısti jetildirý jáne jańa qyzmet kórsetý nysandaryn qurý qajet. Baǵdarlamanyń júzege asyrý qajettiligi de osy ekenin erekshe atap ótti. «Damý» qorynyń MOF dırektory Berik Nurǵalıev: - Baǵdarlamanyń negizgi talaptarynyń biri, tek qana jańa turaqty jumys oryndaryn quratyn ınvestısıalyq maqsattaǵa jobalar qarjylandyrylatyn bolady.
Eń mańyzdysy qarajat «О́zenmunaıgazdan» «Damý» qoryna tikeleı aýdarylady. Sol sebepti nesıe boıynsha paıyzdyq mólsherleme «Bıznestiń jol kartasy 2020» biryńǵaı baǵdarlamasy aıasynda sýbsıdııalanatyn bolady. Eger sońǵy qaryz alýshy úshin syıaqy mólsherlemesi – 11 paıyz bolsa, onyń 10 paıyzy sýbsıdııalanatyn bolsa, al qalǵan 1 paıyzyn ǵana kásipker tóleıdi. Sonymen qatar, eger qaryz alýshynyń kepilge qoıatyn múlki jetkiliksiz bolǵan jaǵdaıda, oǵan «Bıznestiń jol kartasy – 2020» biryńǵaı baǵdarlamasy aıasynda «Damý» Qorynyń kepildemesi beriletin bolady, - dedi. Shaǵyn jáne orta ká¬sipkerlik el ekonomıkasynyń negizgi tire¬gi ekenin eskersek, alyp óndiristiń de, shaǵyn óndiristiń de jumysyn alǵa jeteleıtin eń tıimdi jol – bılik pen bıznestiń arasyndaǵy araqatynastyń úzilmeýinde jatyr.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy