Qazaqstan halqy Assam­bleıa­sy barshańyzdy kúlli musyl­man ba­la­synyń ulyq meıramy – Qurban aıt merekesimen qut­tyqtaıdy.

Qurban aıt merekesi – adaldyq pen shynaıy yqylas-nıetke negizdelgen shara. Qurbandyq shalý arqyly adamnyń ishki nıeti, peıili synalady, jomarttyǵy tany­la­dy, adam bala­sy­nyń meıirimi oıa­nyp, birine-biri qaıy­rym­dylyq ja­saýǵa umtylady. Bul – jaqyn­dasý men rýhanı túleýdiń merekesi. Elbasy N.Á. Nazarbaevtyń «Ma­te­rıaldyq ıgiliktermen esh­qan­daı baı­lanyspaıtyn RÝHANIIаT, ADAMGERShILIK degen daý­syz uly qun­dy­lyqtar bar. Olar adam úshin árdaıym basym jáne negiz qalaýshy bolyp qala beredi» degen sózi bar. Din – ár adam úshin rýhanı negiz, adamgershilik bastaýy, aqyl-oı parasaty. Ult bar jerde din bar. Barlyq din­niń negizi bir – adamzatty izgilikke bastaý. Ár eldiń óz damý, qalyp­ta­sý tarıhyna sáıkes bir dinniń keıbir qa­ǵıdattarynyń óz­geshe qabyl­dan­ǵa­ny tabıǵı jaıt. Ony túsiný, óz ul­tyń­­nyń tarıhy qalybynan shyǵyp ketpeı, elikteýge boı urmaı, dildik qa­sıetińdi diniń arqyly saqtap, uly­lyq kór­setý – barshamyzdyń aldy­myz­da tur­ǵan uly mindet. Sonymen qa­tar, ózgeniń senimin joqqa shy­ǵar­maı, ortaq qoǵamda úılesimdilik ornatý, kórshiniń kóńilin qabyl kórip, birlese beıbit ómir súrýdi negizge alǵan Ata Zańymyzdy syılaý, qaǵıdattaryn kózimizdiń qarashyǵyndaı saqtaý da barshamyzdyń paryzymyz. Qurban aıt rýhy bıik, jany baı Qazaqstan halqynyń órkenıetti dúnıetanymynyń ónegeli taǵylymy retinde rýhanı bıik adamgershilikti qalyptastyrýdyń merekesi. Jas elimizdiń 20 jyldyq Táýel­siz­dik tarıhymen tuspa-tus kelgen Uly meıram múbárák bolsyn, bar­sha­ńyzdyń nıetterińiz qabyl bolsyn!

Qazaqstan halqy Assambleıasynyń Keńesi.