Aıttan aıtqa aman jetýimizdi jazsyn, aǵaıyn!

Qazaqstan Respýblıkasynyń Prezıdenti N.Á.Nazarbaevtyń Qurban aıt meıramyna baılanysty quttyqtaýy Qymbatty otandastar! Barshańyzdy ulyq mereke – Qurban aıt meıramymen shyn júrekten quttyq­taımyn! Bıyl el Táýelsizdiginiń 20 jyldy­ǵy­men oraılas kelgen múbárak mere­ke­niń or­ny bólek. Bul – eldiń bereke-birligin bekemdeıtin, qanaǵat pen qaıy­rym­dy­lyq­ty arttyratyn meıram. Qur­ban shalý kisini shúkirshilik pen táýbaǵa, amanatqa adal­dyq pen sertke beriktikke shaqyrady. Islam dini barlyq iste salıqalylyq pen sabyrlylyqqa úndeıdi. Adamzattyń izgi qundylyqtaryn ýaǵyzdaıtyn ata dinimiz shekten shyǵýǵa, ózgege qııanat ja­saý­ǵa jol bermeıdi. Ulysty uıys­ty­ra­tyn osy ulaǵatty dindi halqymyz óz ulttyq dástúrimen úılestirip, ǵasyrlar boıy bekem ustanyp keledi. Dástúrli dinimiz Táýelsizdikpen birge túlep, halqymyzǵa qaıtyp oraldy. Búginde beıbitshilik beldeýine aınalǵan Qazaqstanda ıslam dini keńinen qanat jaıyp keledi. Bıyl elimizdiń kúlli musylman ále­min­de bedeli zor Islam Ynty­maq­tastyǵy Uıymyna basshylyq jasap otyrýy – sonyń aıqyn aıǵaǵy. Endeshe, Alla Taǵala barshamyzdyń aıttan aıtqa aman jetýimizdi jazsyn, aǵaıyn! Keleshegimizdi kemel, júzimizdi jarqyn etsin. Elimiz aman, jurtymyz tynysh, birligimiz bekem, baýyrymyz bú­tin bolsyn! Qurban aıt múbárak bolsyn! Astana, Aqorda.