Nemister des bermedi

Elordanyń «Saryarqa» velotreginde Velotrekten álem kýbogynyń birinshi kezeńi bo­lyp ótti. Oǵan álemniń 43 elinen kelgen 312 sportshy Olımpıada oıyndarynyń joldama­sy úshin saıysqa tústi. 24 medal jıyntyǵy sarapqa salyn­ǵan kýboktyq kezeń jeke jáne komandalyq sprınt, keırın, upaı boıynsha saıys, omnıým, juptyq medıson saıysy, skretch jáne jeke syndaǵy ja­rys­tar tóńirginde boldy. Jarystyń ashylý saltana­tyna Halyqaralyq veloshabandozdar odaǵynyń (UCI) prezıdenti Pet Makkýeıd pen elimiz Velosport federasııasynyń pre­­zıdenti Qaırat Kelimbetov qa­tysyp, sportshylarǵa sátti­lik tiledi. Sondaı-aq saltanat­ty sha­ra­da Pet Makkýeıd Qa­zaqstan Prezıdenti Nursultan Nazar­baev­tyń Qazaqstan men álemdegi velosıped sportynyń damýyna qosqan úlesin asa jo­ǵary baǵalap, zor alǵysyn bildirdi jáne UCI-diń altyn belgisin tabystady. Joǵarydaǵy atalǵan syndar boıynsha saıysqa túsken sań­laq­tar dúbirli dodada baryn salyp baqty. Nátıjesinde jal­py esepte birinshi kezeń­niń álem kýbogyn bir al­tyn, eki kúmis jáne bes qola medalmen ger­ma­nııa­lyq sa­ıyp­qyran­dar ıelendi. Ekinshi júl­de avst­ra­lııalyqtarǵa bu­­­ıyr­­dy. Olardyń qor­­jy­nyn­da bir al­tyn já­ne eki kúmis bar. Al úshinshi tu­ǵyr­ǵa bir altyn, bir kúmis jáne bir qola medalmen fransýz sport­shy­lary jaıǵasty. – Bul jarysqa qatys­qany­myz­ǵa biz óte qýanyshtymyz. Árıne, buǵan birinshi kezekte bas júlde alǵanymyz sebep ekeni belgili. Sonymen qatar, mundaǵy oıyn alańdary qat­ty unady. Al uıym­dastyrý ju­mys­ta­ryna aıtar alǵysymyz sheksiz. Buıyrtsa al­daǵy ýaqytta da osyndaı iri ja­rys­tarǵa elderi­ńiz­ge kelýge biz qa­shanda ázirmiz, – dedi ne­mis­tiń «Erd­gas- 2012» koman­da­sy bas­­pa­sóz qyz­meti­niń mened­jeri Maıkl Hıb­ner. Atalmysh baı­raq­ty báseke óz má­re­sine jetkennen keıin brıfıng ótkizgen Halyqaralyq veloshabandozdar odaǵynyń prezıdenti Pet Makkýeıd jarystyń óte joǵary deńgeıde ótkenin já­ne uıymdastyrylǵanyn aıt­ty. So­ny­men birge ol Astanada UCI- diń TMD jáne Ortalyq Azııa elderi boıynsha ókildiktiń ashy­­la­tyndyǵyn jáne onyń resmı ókili Qazaqstan velosport fe­derasııasynyń prezıdenti Qaı­rat Kelimbetov bolatyndyǵyn málimdedi. Astanada jalaýy kóteril­gen bul jarys álem kýbogynyń birinshi kezeńi bolsa, ekinshi kezeń Kolýmbııanyń Kalı qala­synda ótpek. Qańtar aıynda kýboktyq kezeńdi Pekın qarsy alsa, jarystar keler jyldyń aqpanynda Londonda aıaq­talady. Ábdirahman QYDYRBEK. Sýretterdi túsirgen Orynbaı BALMURAT.