Sharshy alańda jas boksshylar

Qyzylorda oblysynyń sport jáne týrızm, dene tárbıesi basqarmasynyń bastyǵy Sadyq Mustafaev aqedil jigit. “Is tetigin kadr sheshedi” degen qanatty sózdiń aqıqatyn osy Sadyqtyń sporttaǵy jetistikterinen kóresiń. Bir qyzyǵy, Sadyqqa deıin oblys sportyn basqarǵandar tusynda Olımpııa oıyndarynda olja salmaq túgili, qatysýǵa joldama alýy­nyń ózi tarıhı oqıǵadaı kórinetin. Mustafaev bas­shy bolyp kelgeli bir altyndy sonyń sa­ıyp­qyrandarynan kútetin bolyp daǵ­dy­lan­dyq. Sol Sadyq aıtady: “Sportshy bıik dáre­je­ge jetý úshin oǵan oblystyq, respýb­lı­ka­lyq, qala berdi halyqaralyq jarystar kerek. Sonyń tezinen ótip, tájirıbe jınaqtasa, úl­ken sheberlikke jetedi. Ol kezde sportqa bó­lin­gen qarjy az boldy. Sondyqtan, elden shyq­qan myqty jigit, aıtýly azamattarǵa saýyn aıta júrip, solardyń júlde taǵaıyndaýymen res­pýb­lıkalyq jarys­tar ótkize bastadyq. Munyń jaqsylyǵy sol, jeńisten dámeli jigitterińniń bári qatysa ala­dy. Keıin ishinen myqtylary iriktelip shyǵady”. Jumys isteı biletin, tastúlekteriniń to­ma­ǵasyn ýaqytynda sypyratyn azamattardyń kesigi osylaı bolady. Sol Sadyqtyń Dáýlet Nııazbekov degen shákirti bıyl grek-rım kú­re­sinen Ystambulda ótken álem chempıonatynda qorjynǵa alǵashqy medaldy salǵanyn jáne aıta keteıik. Qazaǵy kıizdeı uıyqqan, berekesi mol Ońtústikte de eshkimge aıtpaı-aq qaıyrymdy ister atqaryp júretin azamattar bar. Sonyń biri Parlament Májilisiniń depýtaty Sáýi­r­baı Esjanov. Árisin aıtpaǵanda, beride Sıdneı olımpıadasynda qazaqtyń dańqyn aıdaı álemge jaıǵan Bekzat pen Muqtarhandaı erleri bar ońtústik boksy keıingi jyldary qojy­rań­qy­rap ketti. Al talanttarymyzdyń tuma bula­ǵyn jasóspirimder arasynda ótetin ja­rystar ashady. Osyny baǵamdaǵan Sáýirbaı Kól­baıuly Qazyǵurt aýdanynda bokstan oblys­tyq ja­rys­tyń tusaýyn kesken. Bıyl erdiń jasy elýge tolǵan aıtýly azamattyń júldesine arnalǵan 1996-1997 jyldary týǵan jasós­pi­rimder ara­syn­daǵy VII halyqaralyq týrnır Shymkenttegi jeńil atletıka manejinde ótti. Tehnıkalyq delegaty halyqaralyq dáre­jedegi AIBA tóreshisi, Qazaqstannan shyqqan tuńǵysh álem chempıony, Reseıden arnaıy shaqyrylǵan qonaq – Valerıı Rachkov. Bas tóreshi – AIBA tóreshisi N. Batyrov. Qazaq dalasy talanttarǵa baı. Ony Shym­kent tórinde kerilgen sharshy alańnan baıqa­dyq. Jarystyń bárin sholmaı, eki-úsh talantty boksshyǵa toqtala ketsek, 46 keli salmaqtaǵy ózbekstandyq boksshy Eldar Sarybaevtyń urys máneri este erekshe qaldy. Boıy, qoly uzyn, sharshy alańdy jaqsy kóredi, qarsylasynyń oıyn tez oqıdy. Shabýylynyń aldyn orap ketedi. Synaptaı syrǵıdy. Saýatty. Dál urady. О́zbekstan boksshylary tehnıkalyq daıyn­dyq­qa dene qýatyn jaqsy qosatyndyǵyn buryn da baıqap júretinbiz. Shyrshyq qalasynan kelgen Eldar “ózderińizdiń baýyrlaryńyzbyn ǵoı”, degendeı pishinimen tanylyp edi. Túısigimiz aldamapty. Qazaq eken. Jattyqtyrýshysymen sóılestik. “Alban, onyń ishinde Qońyr bórik”, deıdi biz ılanbaıtyndaı. О́zbekstan boksy bizge talaı talantty qazaq boksshylaryn syılaǵan. Ol – jastar arasyndaǵy álem chempıony Marat Qııasov, ol – eresekter arasyndaǵy álem chem­pıony Erdos Jańabergenov, ol – Beıjiń Olım­pıadasynyń jeńimpazy Baqyt Sársekbaev. S.Esjanovtyń týrnırine arnaıy kelgen Qazaqstan boks quramasynyń bas bapkeri Myr­za­ǵalı Aıtjanovtyń Sarybaev týraly syr tartqanynan Eldardyń da týǵan jerge erte me, kesh pe oralatyndyǵyn topshyladyq. Jaǵymdy áser qaldyrǵan boksshylardyń biri 66 keli salmaqta jeńimpaz bolǵan shym­kent­tik Esen Bekbolat. Bul jigit qazirdiń ózin­de álem chempıonatynyń oljasyna talasýǵa daıyn sekildi. Al asa aýyr salmaqta qarsy­la­syp, ekinshi raýndta eki ret nokdaýnǵa jiberip, aı­qyn basymdyqpen utqan, qoly aýyr Qur­mantaı Nurov týraly dańqty boksshymyz Muh­tarhan Dildábekov júzinde nur oınap áńgimelegen. “Boksqa kelgenine eki-úsh aı ǵana, kóp jattyqtyrýshylarymyz balamyzdy tal­dy­ryp tastaıdy», dep sparrıngke qoımaıdy”, deıdi. Muhtarhannyń ózi úlken boksqa 18 ja­syn­da kókpardan kelgeni búginde kópke málim. Qazaqsha qulashtap uratyn Qurmantaı Muh­tarhan aǵasyndaı álem chempıonaty, Olımpııa oıyndarynyń fınalynda oınap jatsa, qazaqtyń bórikti aspanǵa atatyn kezi ǵoı. Tórt kúnge sozylǵan jarys máresine jetti. Jaqynbek Raıymbek (44 kg), Eldar Sary­baev (46 kg), Ábilqasym Bekjan (48 kg), Naýryzbek Abaev (50 kg), Jaloloddın Moılınov (52 kg), Raýan Zatýlla (54 kg), Dýlat Jumabek (57 kg), Azamat Amangeldi (60 kg), Nurdáýlet Ospanáli (63 kg), Esen Bekbolat (66 kg), Bıbolat Dinıslam (70 kg), Baqrambek Ramazan (75 kg), Álisher Ábdirashıtov (80 kg), al eń aýyr salmaqta Qurmantaı Nurov altyn­nan alqa taqty. Jeńimpazdardy Ońtústikte arnaıy saparmen júrgen Parlament Májilisiniń depý­tat­tary marapattady. Sát Toqpaqbaev aq tilegin aıtty. Sáýirbaı Esjanov jeńimpazdar men júl­de­gerlerge júlde tapsyryp, álem chem­pıo­ny Valerıı Rachkovqa arnaıy syı-sııapat jasady. Jarys barysynda kóptegen talantty jasóspirimder baıqaldy. Dańqty sportshylar ótken jol osy. Taı-qunandar báıgesinen keıin kúni erteń talaı Qulagerlerdiń qara úzip shyǵatyndyǵy sózsiz ǵoı. Baqtııar TAIJAN. Shymkent.