Mádenıet jáne óner kolledji ashyldy

El ómiriniń qaryshtap damýy úshin ekonomıkalyq jáne áleý­met­tik jetistikter ǵana emes, so­nymen birge mádenıet pen óner­diń órkenıet talabyna saı órken­deýi de erekshe oryn alady. Elimizde mádenıet pen ónerdi damytý jolynda kóptegen ıgi ister atqarylyp keledi. Osy sózi­mizdiń bir mysaly retinde, ja­qyn­da Taraz qalasynan ashylǵan Mádenıet jáne óner kolledjin aıtsaq ta bolady. Oılap qarasaq, óner qýǵan jastar úshin aıryqsha oqıǵaǵa aınalǵan osy bir qýa­nysh­tyń ózindik tarıhı sebep-saldary da bar sııaqty. О́ıtkeni, Jambyl oblysynyń turǵyndary maqtanysh tutatyn dástúrli óner­diń ataqty ókilderi Jambyl, Kenen, Yqylas, Ulbıke, Saýytbek sııaqty taǵy basqa da óner sań­laqtarynyń mádenı muralary bir óńirdiń ǵana emes, búkil elimizdiń rýhanı baılyǵy bolyp sanalady. Oblys ákimdigi sońǵy bir-eki jyldyń ishinde mádenıet sala­syna jan-jaqty qamqorlyq jasap, ony zaman talabyna saı ja­ń­ǵyrtyp, damytýǵa úlken kóńil bólip otyr. Bıyl oblysta ult­tyq-aspaptar orkestri tusaýyn kesti. Ulttyq-folklorlyq an­sam­bl­diń negizi qalandy. Aýdandarda halyq teatrlarynyń ju­mysyn jandandyrý qolǵa alyn­dy. Mádenıet pen ónerdi órken­detetin túrli festıvaldar, baı­qaý­lar, konkýrstar ótkizilýde. Ártister men ánshilerdiń kásibı sheberligin arttyrý úshin maqsat­ty jumystar júrgizilýde. Jańadan ashylǵan Mádenıet jáne óner kolledji – kópshiliktiń qalaýymen, Bilim jáne ǵylym mınıstrliginiń jáne oblys ákim­di­giniń qoldaýymen ashylyp otyr. Jambyl oblysynyń ákimdigi bu­dan bylaı osy oqý ornynda jas talanttardy arnaıy grantpen oqytatyn bolady. Bıyl kolledjge qabyldanǵan 80 qyz pen jigitke arnaıy grant bólindi. Sonyń arqasynda aýyldan arman qýyp kelgen jas talanttar jáne Taraz qalasynyń ónerge beıim túlek­teri oqýǵa qabyldandy. Jańa oqý ornynda, sondaı-aq kórshi oblys­­tardan kelgen bilim alýshylar da bar. Kolledjde jastardyń sapaly bilim men sanaly tárbıe alyp, shyǵarmashylyq qabiletin shyń­da­ý­y­na barlyq qajetti jaǵdaı ja­salǵan. Onda bilikti óner maman­da­ry sabaq beredi. О́ıtkeni, bola­shaq óner ıelerin tárbıeleý qo­ǵam úshin jaýapkershiligi asa zor is. Kósemáli SÁTTIBAIULY. Jambyl oblysy.