Qujat jobalary komıtetterge berildi

Keshe Qaırat Mámıdiń tóraǵalyq etýimen bolǵan Parlament Senaty Bıýrosynyń otyrysynda Parlament Máji­li­sin­de maquldanǵan zań jobalary komıtetter men Senat Appa­ra­ty­na berildi, dep habarlady palatanyń baspasóz qyzmeti. Otyrysta Azııadaǵy ózara is-qımyl jáne senim sharalary jó­nindegi keńes Hatshylyǵynyń, onyń personalynyń jáne Keńes­ke múshe memleketter ókilderiniń artyqshylyqtary men ımmýnıtetteri týraly konvensııany, 1992 jylǵy 15 mamyrdaǵy Ujym­dyq qaýipsizdik týraly shartqa ózge­rister engizý týraly hattamany, 2002 jylǵy 7 qazandaǵy Ujym­dyq qaýipsizdik týraly shart uıymynyń Jarǵysyna ózgeris­ter engizý týraly hattamany, Qa­zaqstan men Belarýs arasyn­da­ǵy Azamattyq qorǵanys, tótenshe jaǵdaılardyń aldyn alý jáne olardy joıý salasyndaǵy ynty­maq­tastyq týraly úkimetaralyq kelisimdi ratıfıkasııalaý týraly zań jobalary odan ári zerdeleý úshin Halyqaralyq qatynastar, qorǵanys jáne qaýipsizdik komıtetine berildi. Qazaqstan men Serbııa ara­syn­daǵy erkin saýda týraly úki­met­aralyq kelisimdi ratıfıka­sııa­laý týraly, «Ǵarysh qyzmeti tý­raly», «Qazaqstan Respýblı­ka­sy­nyń keıbir zańnamalyq aktilerine ǵarysh qyzmeti máseleleri boı­ynsha ózgerister men tolyq­ty­rýlar engizý týraly», «Gaz jáne gazben jabdyqtaý týraly» jáne «Qazaqstan Respýblı­ka­synyń keıbir zańnamalyq aktilerine gaz jáne gazben jabdyqtaý máseleleri boıynsha ózgerister men tolyqtyrýlar engizý tý­ra­ly» zań jobalary boıynsha bas komıtet bolyp Ekonomıkalyq jáne óńirlik saıasat komıteti belgilendi. Zańnama jáne quqyqtyq máse­leler komıteti «Qazaqstan Res­pýb­lıkasy memlekettik táýel­siz­diginiń jıyrma jyldyǵyna baı­la­nysty raqymshylyq jasaý tý­raly», elimizdiń keıbir zańna­ma­lyq aktilerine advokatýra máse­leleri boıynsha ózgerister men tolyqtyrýlar engizý týraly jáne «Memlekettik quqyqtyq sta­tıstıka jáne arnaıy esepke alý týraly» Qazaqstan Respýb­lı­kasynyń Zańyna ózgerister men tolyqtyrýlar engizý týraly» zań jobalary boıynsha negizgi komıtet bolyp belgilendi.