Elaralyq yntymaqtastyqtyń kórinisi

Keshe Syrtqy ister mınıstrliginde atalǵan ve­domstvonyń resmı ókili, Halyqaralyq aqparat komıteti tóraǵasynyń orynbasary Altaı Ábıbýllaevtyń qa­tysýymen kezekti aptalyq brıfıng ótti. «Búgingi dástúrli bas­pa­sóz máslıhatymyzdy 7 qa­ra­shada Sankt-Peterbýrg qa­lasynda ashylǵan Shanhaı yntymaqtastyq uıymyna (ShYU) múshe memleket­ter­diń Úkimet basshylary ke­ńesiniń (ShYU ÚBK) kezekti otyrysynan bastaýdy jón sanadym», dep bastaǵan A. Ábıbýllaev bul otyrysqa Qazaqstan Respýblıkasy Pre­­mer-Mınıstri Kárim Másimov qatysqanyn atap ótti. Shanhaı yntymaq­tas­tyq uıymy Úkimet bas­shy­lary keńesiniń barysynda álemdegi jáne Uıym ke­ńis­tigindegi ekonomıkalyq ahýal boıynsha pikir alma­sy­lyp, Uıymǵa múshe memleketter arasynda ekono­mı­ka­lyq jáne gýmanıtarlyq salada yntymaqtastyq pen óz­ara árekettesýdi jandan­dy­rýdy ári qaraı damytý má­seleleri talqylanǵan. Brıfıng barysynda 7-11 qarasha aralyǵynda EKSPO halyqaralyq qórmesin 2017 jyly Astanada ótkizý úshin qazaqstandyq ótinimdi ta­nys­tyrý rásimimen Qa­zaq­stan Syrtqy ister mı­nıs­trliginiń Jaýapty hatshysy Rápil Joshybaevtyń Oń­tús­tik Afrıka Respýblıkasyna sapary ótetindigi aıtyldy. Tusaýkeser shara atalmysh memlekettiń úsh qalasynda «Qazaqstan Táýelsizdiginiń 20 jyldyǵy men eki memleket arasyndaǵy qatynas­tar­dyń bolashaǵy» atty konferensııa aıasynda uıym­da­s­ty­ryl­maq. Sapar barysynda Memleket basshysynyń Oń­tústik Afrıka Respýblı­ka­synyń Prezıdentine jol­daýyn tap­syrý maqsatymen jáne Qa­zaqstan men Oń­tústik Afrıka Respýb­lı­ka­sy ara­syn­da­ǵy yntymaq­tastyqtyń kó­keı­kesti máse­lelerin tal­qylaý maqsa­tynda osy eldiń Syrtqy ister mınıstrliginde Rápil Joshybaevtyń kezdesýi jos­parlanǵan. Resmı ókildiń habardar etýinshe, 10-11 qarasha kún­deri EQYU-nyń Az ulttar jónindegi joǵarǵy komıs­sary Knýt Vollebektiń Qa­zaqstanǵa jumys sa­pary bolady. Sapar bary­synda meımannyń QR Memlekettik hatshysy Qanat Saýdabaevpen, Syrtqy ister mınıstri Erjan Qazyhanovpen jáne basqa da múddeli mınıstrlikter men vedom­stvo­lar­dyń basshylarymen, Qa­zaqstan halqy Assam­bleıa­synyń jetekshilerimen kezdesýleri josparlanǵan. Son­daı-aq, dál osy kúnderi Venada «Bilim bastamalary jáne habardarlylyqty jo­ǵa­rylatý jónindegi bastamalar arqyly násilshildikti, ksenofobııany jáne óshpen­dilik saldarynan jasalatyn qylmystardy boldyrmaý» taqyrybyndaǵy EQYU-nyń adamı ólshemi boıynsha qo­symsha otyrysy ótkiziledi. Atalǵan sharaǵa Qazaqstan halqy Assambleıasynyń, Par­lament Májilisiniń, Bas pro­kýratýranyń ókilderi men Venadaǵy halyqaralyq uı­ymdar janyndaǵy turaqty ókildiktiń dıplomattary qa­ty­sady. «Egemen-aqparat».