Nursultan Nazarbaevtyń atyna shyǵarmashylyq jáne zııaly qaýym, qoǵamdyq uıymdar men isker top ókilderinen, sondaı-aq Qazaqstan men taıaý shetelder azamattarynan kóptegen quttyqtaý hat kelip tústi, dep habarlady Prezıdenttiń baspasóz qyzmeti.
Quttyqtaýlarda Qazaqstan Prezıdentiniń basshylyq etýimen elimizdiń qarqyndy damyp, halqymyzdyń ál-aýqaty artyp kele jatqany, sonymen birge álemdik qoǵamdastyq tarapynan Qazaqstanǵa degen senimniń nyǵaıa túskeni atap ótilgen.
Osyndaı hattardy Qazaqstannyń eńbek sińirgen qaıratkeri B.Hasanǵalıev, jazýshy, Memlekettik syılyqtyń laýreaty S.Dosanov, opera ánshisi M.Mýdrıak, «Kazenergy» qaýymdastyǵy tóraǵasynyń orynbasary U.Qarabalın, Qazaqstannyń Pravoslavıe shirkeýiniń basshysy, Astana jáne Qazaqstan mıtropolıti Aleksandr, Reseı Jaratylystaný akademııasynyń professory M.О́teýbaev, Astana qalasynan Rogalevtar otbasy, Almaty qalasynyń turǵyny B.Jolymbetov, Pavlodar qalasyndaǵy orta mektep oqýshysy S.Shaızadı, Rýdnyı qalasynyń turǵyny E.Serikbaıuly, «Dýstlık» ózbek etnomádenı birlestikteri qaýymdastyǵynyń músheleri men «Kazzinc Holdings» jaýapkershiligi shekteýli seriktestiginiń ujymy joldady. Taraz qalasyndaǵy №54 mekteptiń 7-synyp oqýshysy N.Sálimova men Shyǵys Qazaqstan oblysy Zaısan aýdanyndaǵy M.Áýezov atyndaǵy orta mekteptiń 10-synyp oqýshysy N.Bekturova ózderiniń ystyq yqylastaryn óleńmen jetkizgen. О́skemen qalasynyń turǵyny, «Nur Otan» partııasynyń múshesi S.Qalıǵojın Nursultan Nazarbaevqa óziniń óleń jınaǵy men ánderin arnaǵan.
«Kazzinc Holdings» jaýapkershiligi shekteýli seriktestigi dırektorlar keńesiniń tóraǵasy Nıkola Popovıch «Sizdiń boıyńyzdan adaldyq, shynaıylyq, toleranttyq jáne bekzattyq sııaqty qazaqstandyqtardyń eń úzdik qasıetterin kóremiz. Biz Sizdi rýhy bıik ári álem syılaıtyn zamanaýı egemen eldiń damýy jolyndaǵy maqsattarǵa qol jetkizýdegi tabandylyǵyńyzdy qurmet tutamyz», dep atap ótken.
Sondaı-aq Memleket basshysynyń atyna óziniń ystyq lebizderin Mańǵystaý oblysynyń azamattyq qoǵam ókilderi joldaǵan. Olardyń qatarynda «Rýhanı jańǵyrý – «Nur kapıtal» forýmyna qatysýshylar, oblys ardagerleri men mádenıet qaıratkerleri, oqytýshylar men medısına qyzmetkerleri, kásipkerler, sportshylar, aýyl sharýashylyǵy salasynyń eńbekkerleri jáne óńirdiń belsendi jastary bar.
Máskeýden joldanǵan jedelhatta qazaqstandyq ardagerler Nursultan Nazarbaevtyń halyqaralyq arenadaǵy bedeliniń zor ekenin aıtyp, onyń óńirlik shıelenisterdi retteýdegi úlesin joǵary baǵalaǵan. Hat ıeleri «Siz búginde álemniń bedeldi saıasatkeriniń birisiz. Sizdiń Sırııadaǵy qaqtyǵysty dıplomatııalyq jolmen retteýdegi eńbegińizdi Birikken Ulttar Uıymy men kóptegen elderdiń kóshbasshylary baǵalady. «Astana prosesi» bul eldegi urys qımyldaryn toqtatý jónindegi naqty jetistik bolyp sanalady», dep atap ótken.