Qaraǵandy oblysy Úshtóbe aýylynda ornalasqan «Karaganda-Osetr» kásiporny jańa baǵyt – ýyldyryq óndirisin damytýdy kózdep otyr.
Otandyq qara ýyldyryq 2019 jyly satylymǵa shyǵarylady dep josparlanýda. О́nim Qaraǵandy men Astana naryǵyna shyǵady, dep habarlaıdy Qaraǵandy ákimdiginiń baspasóz qyzmeti.
- Bekire balyqtardy ósirýdiń eki baǵyty bar: taýarlyq jáne ýyldyryq ónidirisi. Biz óz isimizde jańa bastamashylar bolǵanda birinshi baǵytty tańdadyq. Búgingi tańda bizdiń kórsetkishterimiz jaqsy, endi ýyldyryq óndirisine aýysýǵa yńǵaıly faktorlar qalyptasyp jatyr, - dedi kásiporyn jetekshisi Dmıtrıı Ábildın.
Onyń aıtýynsha kásiporynǵa bedeldi reseılik balyq ósirýshiler baǵa bergen. Kásipker qazirgi tańda qazaqstandyq naryqtaǵy barlyq qara ýyldyryq shet elden jetkizilgen. Qaraǵandylyq kásiporyn bolsa ónimderin «Qazaqstanda jasalǵan» markasymen shyǵarýdy kózdep otyr. Sapasy joǵary bul ónimdi anaǵurlym qoljetimdi etý jospary da bar.
- Importtyq ónimdermen salystyrǵanda bizdiń baǵalarymyz 30-40 paıyzǵa arzanyraq bolady dep oılamyn. 2019 jyly biz bekire balyqtyń qara ýyldyryǵyn biz Qaraǵandy jáne Astana naryǵyna, jánede múmkin Almatyǵa da jetkizemiz dep josparlap otyrmyz. Shet eldik qonaqtar bizdiń otandyq ýyldyryǵymyzdy óz elderine alyp barýǵa múmkindik jasaý úshin Qazaqstannyń halyqaralyq áýejaılaryna shyǵýǵa tyrysamyz, - dep bólisti josparlarymen kásiporyn jetekshisi.
Bekire fermasynyń mamandary ýyldyryqty «saýý» ádisimen jınaıdy. Jańa baǵytty damytý úshin kásiporyn arnaıy túrde halyqaralyq tehnologtardy jumyldyrmaq.
Jobalyq qýatylyǵy – jylyna 500-1000 kılogramm ýyldyryq.
Taýarlyq bekire balyq ósirý boıynsha jobalyq qýattylyq jylyna 45 myń tonnany quraıdy. JSQ – jabyq sýmen qamtý qurylysy tehnologııasy paıdalanylady. Jergilikti ónim Qaraǵandy jáne Astananyń restorandary jáne sýpermarketterimen suranysqa ıe.
Bekire sharýashylyǵy jobasyn júzege asyrý 2013 jyly bastaldy. 2015 jyly latvııalyq mamandarmen jasalǵan ferma iske qosyldy. Joba quny 583,7 mln teńge.