Eldi mekende 26 shaqyrym gaz qubyry tartylyp, 630 úıge kógildir otyn qosyldy.
Oblys ákimi Qyrymbek Kósherbaev kent turǵyndaryn qýanyshtarymen quttyqtap, jyly lebizin jetkizdi.
«Sońǵy jyldary oblys ortalyǵynda qala turǵyndaryna jaıly jaǵdaı jasaýǵa baǵyttalǵan sýmen jáne gazben jabdyqtaý, jol qurylysy t.b. aýqymdy jobalar júzege asty. Buǵan deıin Tasbóget, Qyzyljarma jáne Talsýat eldi mekenderi gazdandyryldy, al búgin biz Belkól kentin kógildir otynǵa qosamyz. Mundaı iri jobalardyń júzege asýy eń aldymen Táýelsizdiktiń jáne Elbasynyń qoldaýynyń nátıjesinde múmkin boldy. Sizderdi mereıli merekemen jáne kópten kútken gazǵa qosylýlaryńyzben quttyqtaımyn. Tabıǵı otyn halyqtyń ıgiligine qyzmet etsin!», - dedi Q.Kósherbaev.
Sonymen qatar, turǵyndardy kent ardagerler keńesiniń tóraǵasy Sartaı Qaırýllaev ta quttyqtady.
Aıta ketý kerek, sońǵy 5 jylda qalada jylý magıstraldy jelileriniń 60 paıyzy jańartyldy, 500 shaqyrymnan asa jol jóndeldi, al qalany gazdandyrý 95 paıyzǵa jetti.