Premer-mınıstrdiń orynbasary – Ulttyq ekonomıka mınıstri Serik Jumanǵarın О́nerkásip jáne agroónerkásiptik keshen jónindegi Eýrazııalyq ekonomıkalyq komıssııa alqasynyń múshesi Goar Barsegıanmen kezdesti, dep jazady Egemen.kz.
Kezdesý barysynda Goar Barsegıan qaryz qarajaty boıynsha, onyń ishinde qazaqstandyq kásiporyndardyń qatysýymen paıyzdyq mólsherlemeni sýbsıdııalaýdy qarastyratyn ónerkásiptegi kooperasııalyq jobalardy qarjylyq qoldaý tetigin iske asyrý týraly habardar etti. Qazir EEK-ke 15 joba kelip túsken. Onyń beseýi maquldansa, qalǵany qarastyrylyp jatyr. Bul jobalardyń birin Qazaqstan ózi bastap usynsa, taǵy ekeýine qatysýshy retinde qosylǵan.
Atap aıtqanda, 2025 jylǵy qańtarda Aqmola oblysyndaǵy «KAZROST Engineering Ltd.» JK bazasynda aýyl sharýashylyǵy tehnıkasyn óndirýdi uıymdastyrý jónindegi qazaqstandyq kooperasııalyq joba maquldandy. Joba jınaqtaýshy jáne tehnologııalyq jabdyq jetkizetin Reseı men Belarýs kásiporyndarymen kooperasııada astyq jınaıtyn kombaın kabınasy óndirisin iske qosýdy kózdeıdi.
Qazaqstan álemniń 72-den astam eline aýyl sharýashylyǵy ónimderin jetkizedi
Jobany iske asyrý kásiporynnyń óndiristik qýatyn jylyna 700-den 1 000 birlikke deıin ulǵaıtýǵa, óndiristi tehnologııalyq qaıta jaraqtandyrýǵa jáne jańǵyrtýǵa, sondaı-aq 50 jańa jumys ornyn qurýǵa múmkindik beredi.
Budan bólek, EEK-tiń qaraýynda Almaty oblysynda sendvıch-panel óndirý jobasy bar. Ol jumys istep turǵan joǵary tehnologııalyq zaýytty jańǵyrtýǵa arnalǵan jáne materıal jetkizý men qurylys jumystaryn oryndaıtyn Reseı men Qyrǵyzstan kásiporyndarymen kooperasııada iske asyrylyp jatyr. Joba keminde 30 jańa jumys ornyn quryp, óndiristik qýatty kúsheıtedi.
Sońǵy 7 jylda elimizdegi aýyl sharýashylyǵy óndirisiniń kólemi eki ese artty
Taraptar agroónerkásiptik keshendegi qarjylyq qoldaý tetigin taratý máselesine erekshe nazar aýdardy. Qazaqstan tarapynan Aýyl sharýashylyǵy mınıstrligi AО́K salasyndaǵy birlesken kooperasııalyq jobalarǵa qarjylyq qoldaýǵa qatysty 2014 jylǵy 29 mamyrdaǵy EAEO týraly shartqa ózgerister engizý týraly hattama jobasyna qol qoıý úshin qajetti memleketishilik rásimderdi júrgizedi.
Serik Jumanǵarın teri men júndi qaıta óńdeý, aýyl sharýashylyǵy ónimin keńinen óńdeý, sondaı-aq Qazaqstanda ımporttyń joǵary úlesi bar taýarlardy óndirý salasyndaǵy birlesken jobalardy basymdyqpen damytý qajettigin atap ótti.
Aýyl sharýashylyǵy ónimin qaıta óńdeý úlesi jyl sońyna deıin 70%-ǵa jetedi