Qasym-Jomart Toqaev elimizge memlekettik saparmen kelgen Túrkııa Prezıdenti Rejep Taııp Erdoǵandy qarsy aldy, dep habarlaıdy Egemen.kz Aqordanyń baspasóz qyzmetine silteme jasap.
Elimizdiń shekarasyna engen sátten Astana áýejaıyna deıin Túrkııa Prezıdentiniń bortyna Qazaqstan Respýblıkasy Áýe qorǵanysy kúshteriniń ushaqtary qaptaldasa ushty.
Túrkııa Prezıdentiniń kelýine oraı trap aldynda Qurmet qaraýyly rotasy sap túzedi.
Eki eldiń jalaýshalaryn ustaǵan balalar Rejep Taııp Erdoǵan bastaǵan Túrkııa eliniń resmı delegasııasyna «Ata yurda hoş geldiniz!» – «Atajurtqa qosh keldińiz!» dep eki tilde qoshemet kórsetti.
Sol sátte Túrkııa men Qazaqstan týlaryn jelbiretken tikushaqtar alań ústimen ushyp ótti.
Rejep Taııp Erdoǵan Qazaqstanǵa memlekettik saparmen keldi
Áýejaı termınalynda jas ónerpazdar Túrik eliniń kóshbasshysyna arnap «Dombyra» kompozısııasyn oryndady.