AQSh Memlekettik hatshysy Marko Rýbıo Qytaıdyń ózine qarsy salǵan sanksııalaryna qaramastan, Beıjińge ushyp kelgen, dep habarlaıdy Egemen.kz.
BAQ málimetinshe, Qytaı bıligi Rýbıonyń elge kirýine salynǵan óz tyıymyn aınalyp ótý úshin resmı qujattarda onyń teginiń qytaısha jazylýyn sál ózgertken.
Alaıda jeli qoldanýshylaryn Rýbıonyń kıim úlgisi qyzyqtyrdy. Ol Air Force One bortynda sur tústi Nike Tech Fleece sporttyq kostıýmimen kórindi. Bul obraz oqyrmandarǵa Venesýela prezıdenti Nıkolas Madýronyń stılin eske túsirdi. Ony tipti birneshe laqap aty paıda boldy:
«Memdepartamenttiń Madýrosy»; «Air Force One dıdjeıi»; «Nike diplomacy edition jańa modeli».Marko Rýbıo Beıjińge 13 mamyrda keldi. Bul onyń Qytaıǵa jasaǵan alǵashqy sapary. Osyǵan deıin ol amerıkandyq saıasattaǵy Qytaı bıligin eń qatań synaıtyn tulǵalardyń biri retinde tanylǵan bolatyn.
Buǵan deıin, 3 qańtarda Tramp qolǵa túsken Madýronyń sur tústi Nike Tech Fleece sporttyq kostıýmin kıip túsken sýretin jarııalaǵan bolatyn. Osydan keıin Nike-tyń bul modeline suranys kúrt artty. Google Trends júıesi «Nike Tech», «grey Nike Tech» jáne «Nike Tech tracksuit» suranystary boıynsha qyzyǵýshylyqtyń kúrt óskenin tirkedi. Nátıjesinde Nike-tyń resmı saıtynda kostıýmniń birneshe ólshemderi tolyqtaı satylyp ketken.