Qazaqstan musylmandary dinı basqarmasy Qurban shalý rásimin qashyqtan ótkizýge arnalǵan arnaıy qurban.muftyat.kz saıtyn iske qosty, dep habarlaıdy Egemen.kz.
QMDB málimetinshe, halyqqa, ásirese úlken qalalarda turatyn turǵyndarǵa ońtaıly bolý úshin bıyl da qurban shalý oflaın jáne onlaın formatta júzege asady.
«Onlaın túrde qurban shalam deýshiler saıt arqyly qurbandyq malyn tańdap, Kaspi QR arqyly qajetti qarajatty aýdara alady. Qoı men eshkini jeke adam, al iri qara men túıe malyn bir nemese 7 adam birigip shalsa bolady. Tapsyrysyńyz sátti ótse uıaly telefonyńyzǵa SMS habarlama keledi. Qurbandyq shalynǵan soń onyń foto jáne beıne esebi tapsyrys berýshi kórsetken nómirge jiberiledi», delingen habarlamada.
Saıttaǵy málimet boıynsha, bir qoıdyń baǵasy – 125 myń teńge bolsa, iri qara baǵasy – 875 myń teńge.
Eske salaıyq, bıyl Qurban aıt 27 mamyrǵa sáıkes kelip tur.