Bas prokýratýranyń Quqyqtyq statıstıka jáne arnaıy esepke alý jónindegi komıteti ınternet-alaıaqtardyń Apple men PayPal atyn paıdalanyp, jalǵan habarlamalar taratyp jatqanyn málimdedi. Málimdemege sáıkes alaıaqtar azamattardy qorqytyp, jeke derekter men akkaýnttarǵa qol jetkizýge tyrysady, dep habarlaıdy Egemen.kz.
Bas prokýratýranyń Quqyqtyq statıstıka jáne arnaıy esepke alý jónindegi komıteti janyndaǵy Qylmystyq qaýip-qaterler men qoǵamdyq qaýipsizdik táýekelderin boljaý ortalyǵy ınternet-alaıaqtyqtyń jańa tásili paıda bolǵanyn habarlady.
Mamandardyń málimetinshe, alaıaqtar Apple jáne PayPal servısteriniń atyn paıdalanyp, iPhone satyp alynǵany týraly jalǵan elektrondy hattar jiberip jatyr.
Habarlamalar shynaıy kórinýi úshin qaskóıler appleid@id.apple.com mekenjaıyn qoldanady. Hat mátininde paıdalanýshyǵa onyń atynan iPhone satyp alynǵany aıtylyp, tólemdi toqtatý úshin «qoldaý qyzmetine» habarlasý usynylady.
Qorapqa qolyńyzdy tıgizbeńiz: Astanada alaıaqtardyń jańa ádisi jurtty dúrliktirdi
Kórsetilgen nómirge qońyraý shalǵan jaǵdaıda alaıaqtar Apple ID akkaýnty buzylǵanyn aıtyp, ony «qorǵaý» syltaýymen túrli áreketter jasaýǵa kóndiredi. Atap aıtqanda:
– qurylǵyǵa qashyqtan qol jetkizýge arnalǵan baǵdarlamalardy ornatýdy suraıdy; – parolder men ózge de qupııa málimetterdi talap etedi; – psıhologııalyq qysym jasap, asyǵys sheshim qabyldaýǵa ıtermeleıdi.
Mamandar azamattarǵa sıfrlyq qaýipsizdik erejelerin saqtaýǵa keńes beredi. Atap aıtqanda, kúmándi siltemelerge ótpeý, hattaǵy telefon nómirlerine habarlaspaý, aqparatty tek resmı servıster arqyly tekserý jáne bógde qosymshalardy ornatpaý qajet.
Sekýnd ishinde buǵattaıdy: Qazaqstanda alaıaqtardyń qońyraýyn toqtatatyn júıe engiziledi
Sonymen qatar eki faktorly aýtentıfıkasııany paıdalaný usynylady.
Eger osyndaı kúmándi habarlama kelse, birden resmı qoldaý qyzmetine júginip, quqyq qorǵaý organdaryna habar berý qajet ekeni eskertildi.
Ulttyq bank atyn jamylǵan alaıaqtar aqtóbelik turǵynnyń 5 mln teńgesin jymqyrǵan