IIM ókilderi kámelet jasynda týysy tarapynan zorlyq kórgenin málimdegen jigittiń aryzynan keıin tekserý bastalǵanyn habarlady. Qazirgi ýaqytta aryz ıesi Qytaıda júr, dep habarlaıdy Egemen.kz.
Ishki ister mınıstrligi prodıýserge qatysty zorlaý faktisi boıynsha tekserý jumystaryn bastady. Bul týraly Májilis kýlýarynda Ishki ister mınıstriniń orynbasary Sanjar Ádilov málimdedi.
Buǵan deıin jas akter Nurǵalı Nuǵman Instagram paraqshasynda vıdeoúndeý jarııalap, bala kezinde týysy tarapynan jynystyq zorlyq kórgenin aıtqan bolatyn. Onyń sózinshe, atalǵan adam balalar jobasynyń prodıýseri bolǵan.
Prodıýserden zorlyq kórgen: «Balapan» telearnasy Nurǵalı Nuǵmannyń jazbasyna qatysty pikir bildirdi
IIM málimetinshe, áleýmettik jeliler men buqaralyq aqparat quraldarynda aqparat taraǵannan keıin polısııa jedel túrde áreket etken.
Sanjar Ádilov qazirgi ýaqytta barlyq aıtylǵan derekter tekserilip jatqanyn jetkizdi. Onyń aıtýynsha, aryz ıesi ázirge Qazaqstannan tys jerde, Qytaıda júr.
Polısııa ókilderi Nurǵalı Nuǵman elge oralǵannan keıin qajetti tergeý áreketteri júrgiziletinin aıtty.