Búgin Almatyda JRVI men tumaýdy aldyn alý máselelerine arnalǵan baspasóz májilisi ótip, bul is-sharany ótkizýge qalalyq Densaýlyq saqtaý basqarmasy uıymdastyrdy.
Jýrnalıstermen ótken jıynda qalalyq Densaýlyq saqtaý basqarmasy dárilik, materıaldyq-tehnıkalyq qamsyzdandyrý jáne monıtorıng bóliminiń basshysy Janar Boranbaeva, juqpaly jáne parazıttik aýrýlarǵa epıdemıologııalyq qadaǵalaý jasaý bóliminiń bas mamany Vladımır Iýsýpov, Ijekenov atyndaǵy Qalalyq klınıkalyq juqpaly aýrýhana bas dárigeriniń orynbasary men Tamara Ýtaganova men Densaýlyq saqtaý basqarmasynyń bas mamany Elvıra Ibragımova qatysyp, kóterilgen máselege qatysty saýaldarǵa túsinikteme berdi.
Spıkerler bir aýyzdan qazir Almaty qalasynda JRVI jáne tumaýmen baılanysty epıdemıologııalyq jaǵdaı turaqty deńgeıde saqtalyp otyr dedi. О́tken jylmen salystyǵanda tumaý 23 paıyzǵa azaıǵan. Munyń birneshe sebepteri bar. Birinshiden jeltoqsan aıyna deıin Almatyda turaqty jyly aýa-raıy saqtaldy. Ekinshiden, aldyn ala saqtyq sharalary men abaısyzda tumaýratyp qalǵandardyń kópshilikpen baılanysy shektelýi de óz nátıjesin berip otyr.
Sol sııaqty kórsetilgen kezeń ishinde tumaýǵa jatpaıtyn basqa da vırýstardy juqtyrǵan 65 adam tekserilgen. Olardyń arasynda 4 adenovırýs, 3 RS vırýs, 10 bokavırýs, 6 rınovırýs anyqtaldy.
Spıkerler atap ótkendeı, tumaýdy aldyn alýdyń eń tıimdi joly – egý. О́ıtkeni vaksına salý tumaýdyń órship ketýi múmkin maýsymynda onyń túrlerinen saqtanýǵa kómektesedi.
Jyl saıyn Almatyda tumaýǵa qarsy vaksına joǵary qaýip tobyna jatatyn azamattardyń barlyǵyna salynady.
Bıyl vırýs juqtyýrǵa beıim topqa jatatyn azamattarǵa vaksına salý maqsatynda «Grıppol plıýs» (Reseı) vaksınasynyń 100 myń dozasy jergilikti bıýdjet qarjysyna satyp alyndy. Ústimizdegi jyldyń 13 jeltoqsanyndaǵy jaǵdaıǵa sáıkes, 193199 qala turǵynyna nemese jalpy halyqtyń 11,1 paıyzyna tumaýǵa qarsy vaksına jasalǵan. Olardyń ishinde joǵarǵy qaýip tobyna jatatyn 100 myń adamǵa (5,7%) jergilikti bıýdjet esebinen, 80079 adamǵa (4,6%) jumys berýshi esebinen, 13120 adamǵa (0,7%) aqyly negizde vaksına jasaldy.
Vaksına alýy tıis halyq kontıngenti ishinde: 14 jasqa deıingi balalar sany – 38145 (egilgen azamattardyń jalpy sanynyń 19,7%-y), medısınalyq qyzmetkerler – 21546 adam (nemese 11,2%), júktiliktiń ekinshi jáne úshinshi kezeńindegi áıelder – 7811 (nemese 4,1%). Vaksınadan keıingi asqynýlar tirkelmegen.
Jekemenshik medısınalyq ortalyqtarda tumaýǵa qarsy Qazaqstan Respýblıkasy aýmaǵynda ruqsat etilgen vaksınalar qoldanyldy.
Aınash ESALI,
«Egemen Qazaqstan»
ALMATY