Aldaǵy jyly qala kitaphanalary rebrendıng ótkizýdi josparlap otyr, dep habarlaıdy elorda ákimdiginiń medıa ortalyǵy.
Elorda kitaphanalary oqyrmandaryna ázirlegen jobalarynyń biri «Jandy kitap» dep atalady. Onda kitaphana oqyrmandary tanymal adamdarmen kezdesedi. Kezdesý formaty erekshe bolmaq.
Spıkerdiń áleýmettik jeli paraqshasy men otbasylyq albomnan alynyp, aldyn ala daıyndalǵan 10 qyzyqty sýreti (spıker ol týraly bilmeıdi) ekranǵa shyǵarylady. Kezdesýge kelgen spıker ár sýrettiń shyǵý tarıhyn aıtyp beredi.
«10 sýrettiń «syry» belgili bolǵan soń, kórermender qyzyqtyrǵan suraqtaryn qoıyp, jaýap ala alady. Kezdesýge jastar men jetkinshekterdi durys jolǵa baǵyttap, úlgi bola alatyn tanymal tulǵalar shaqyrylady», - delingen Astana qalasynyń ortalyqtandyrylǵan kitaphanalar júıesi taratqan habarlamada.