"Astana" fýtbol klýbynyń Prezıdenti Saıan Hamıtjanov Patrık Tvýmasıdiń "Býrsaspor" sapyna aýysýy týraly óz pikirimen bólisti. Osyǵan deıin BAQ betterinde Tvýması túrkııalyq komandaǵa 1,5 mıllıon eýroǵa satylǵandyǵy habarlanǵan bolatyn. Alaıda, bul aqparatty elordalyq klýb resmı túrde naqtylamady.
- Dál qazir Tvýması «Astana» fýtbol klýbynyń oıynshysy. Onyń elordalyq klýbpen kelisimsharty bar. Biz jelide jazylyp jatqan aqparattardy barynsha qarap otyramyz, alaıda, olardyń barlyǵy shyndyqqa janasady deýge kelmeıdi. Bizdiń tarapqa naqty eki klýbtan resmı usynys tústi. Degenmen, olar bizdi qanaǵattandyratyn qarjyny tólegileri kelmedi. Al Tvýmasıdi óz baǵasynan tómen baǵaǵa basqa klýbqa jiberýdiń eshqandaı maǵynasy joq dep oılaımyn. Sondyqtan, biz Patrıkti jáne usynys túsken basqa oıynshylardy komanda quramynda qaldyryp, ÝEFA Eýropa Lıgasynyń 1/16 kezeńinde laıyqty óner kórsetip, aldaǵy jyly taǵy da eýrokýbokterdiń toptyq kezeńine shyqqymyz keledi. Bul birinshi kezekte klýbymyzǵa kóbirek qarjy ákeledi, ekinshiden Qazaqstannyń barlyq óńirlerindegi bizdiń jankúıerlerimizge erekshe qýanysh syılaıtyn bolady.
- Eger de klýbty qanaǵattandyratyn laıyqty usynys tússe, ol oıynshynyń ornyn joqtatpaıtyn fýtbolshy taýyp úlgeresizder me?
- Tarıh dáleldegendeı, almastyrylmaıtyn oıynshy joq. Degenmen, Patrık bizdiń klýbtyń negizgi oıynshylarynyń biri ekendigin moıyndaýymyz kerek. Sonymen birge, bıýdjettiń kiris bóligi men klýbtyń aldynda turǵan sporttyq maqsattar arasyndaǵy teńgerimdi saqtaý qajet. Iаǵnı, oıynshylardy satyp aqsha tabý, klýbytyń sporttyq maqsattarǵa jetý jolyna kedergi bolmaýy tıis. Eger biz dál qazir bizdiń negizgi oıynshylarymyzdy satyp jiberetin bolsaq, sońǵy aıdyń ózinde 40 mıllıon eýrodan joǵary baǵaǵa 4 oıynshy satyp alyp, qataryn tolyqtyrǵan «Sportıngke» qarsy tura alamyz deı almaımyn. Biz tek bizdiń klýbtyń ǵana emes, búkil Qazaqstan fýtbolynyń namysyn qorǵaımyz. Biz bul tarıhı oıyn aldynda eshqandaı kadrlyq kemshilikter bolǵanyn qalamaımyz. Sondyqtan, biz oıynshylardy bizge qajet baǵaǵa, reti kelgen kezde ǵana satamyz.
- Jyl basynda elimizge tanymal sport saıttarynyń biri jankúıerler arasynda saýalnama júrgizip, Sizdi «jyldyń úzdik sport menedjeri» retinde tańdaǵan bolatyn. Siz bul málimdemege kelisesiz be?
- О́zimniń jasap jatqan jumysyma óz tarapymnan baǵa berý, meniń oıymsha durys emes. Komanda ótken maýsymda Qazaqstan chempıonatynda top jaryp, eýrokýbokterge qoıǵan josparyn asyra oryndap, el fýtboly tarıhynda tuńǵysh ret Eýropa Lıgasynyń 1/16 kezeńine joldama alǵanyn eskeretin bolsaq, klýbymyz durys baǵytta kele jatyr deýge tolyq negiz bar.