Qazaqstan Respýblıkasynyń Reseı Federasııasyndaǵy Tótenshe jáne ókiletti elshisi Imanǵalı Tasmaǵambetov RF syrtqy ister mınıstri Sergeı Lavrovpen eki eldiń halyqaralyq arenadaǵy ózara áriptestigi máselelerin talqylady, dep habarlaıdy QazAqparat.
Kezdesý barysynda Qazaqstan-Reseı yntymaqtastyǵynyń, sondaı-aq eki eldiń halyqaralyq arenadaǵy, atap aıtqanda, Qazaqstannyń BUU Qaýipsizdik Keńesindegi tóraǵalyǵy aıasyndaǵy ózara áriptestiginiń ózekti máseleleri talqylandy. Tasmaǵambetov pen Lavrovtyń kezdesýi eki eldiń dástúrli qatynastaryna tán jyly ári senimdi jaǵdaıda ótti.
Aıta ketelik, 18-19 qańtar kúnderi Nıý-Iorkte Qazaqstannyń bastamasymen BUU QK-niń Aýǵanstan men Ortalyq Azııa boıynsha jáne jappaı qyryp-joıý qarýyn taraptaý jónindegi otyrysy ótedi.