Oblys ákiminiń orynbasary bolyp Erlan Spanov taǵaıyndaldy. Ol burynǵy orynbasary Roza Kemalovanyń zeınetkerlikke shyǵýyna oraı bosaǵan orynǵa keldi.
Erlan Mahmutuly Qostanaıdaǵy Injenerlik jáne ekonomıkalyq ýnıversıtetti bitirgen. Ol Ekonomıka jáne bıýdjettik josparlaý basqarmasynyń bas mamanynan bólim basshysyna, basqarma basshysynyń orynbasaryna deıin ósip, sodan keıingi jyldary basqarmaǵa jetekshilik etti. Oblys ákimi Arhımed Muhambetov jańa orynbasary jetekshilik etetin salalardy tanystyrdy.
«Jańa orynbasar ekonomıka, qarjy, memlekettik satyp alý, salyq jáne qarjy-nesıe salalary, memlekettik aýdıt, qarjylyq baqylaý, bıýdjetaralyq qatynas máselelerine jetekshilik etetin bolady. Sonymen qatar oblystyq bıýdjettik komıssııaǵa basshylyq etedi, aýyldyq jerlerdi damytý úshin atqarylatyn sharalardy qamtamasyz etedi» dedi Arhımed Begejanuly.
Sonymen qatar oblystaǵy basqa basqarmalarǵa jańa basshylar taǵaıyndaldy.
Názıra JÁRIMBET, «Egemen Qazaqstan»