Kúni keshe ǵana Elbasymyz Nursultan Ábishuly Nazarbaev Qazaqstan halqyna kezekti jyl saıynǵy Joldaýyn elge usyndy. Joldaýdy Halel Dosmuhamedov atyndaǵy Atyraý memlekettik ýnıversıtetiniń professor-oqytýshylar quramy zor qyzyǵýshylyqpen qabyldap otyr. Bul Joldaý jańa álemge, ıaǵnı Tórtinshi ónerkásiptik revolıýsııa álemine beıimdelý men jetistikke jetý jolyn tabý úshin ne isteý qajettigin aıqyndap berdi.
Atap kórsetilgendeı 10 baǵytqa júktelgen jumys – barsha qazaqstandyqtar bolyp jumylyp atqarylar abyroıly is. Ásirese Jetinshi mindet: Adamı kapıtal – jańǵyrý negizi. Bilim berýdiń jańa sapasy boıynsha Elbasy «Barlyq jastaǵy azamattardy qamtı alatyn ózimizdiń aldyńǵy qatarly ozyq bilim berý júıemizdi qurýdy jedeldetýimiz kerek», dep Úkimetke naqty mindettemeler qoıdy. Qazirgi zaman talaptaryna sáıkes oqytýdyń mazmundylyǵy zamanaýı tehnıkalyq turǵydan qoldaý kórsetý arqyly úılesimdi túrde tolyqtyrylýǵa tıis. Prezıdentimiz óz Joldaýynda «Joǵary oqý oryndary shetelderdiń jetekshi ýnıversıtetterimen, ǵylymı ortalyqtarymen, iri kásiporyndarymen jáne transulttyq korporasııalarymen birlesken jobalardy belsendi túrde júzege asyrýy qajet. Joǵary oqý oryndaryna bilim berý baǵdarlamalaryn jasaýǵa kóbirek quqyq berip, olardyń akademııalyq erkindigin zańnamalyq turǵydan bekitý kerek. Oqytýshylardyń qaıta daıarlyqtan ótýine kúsh salyp, joǵary oqý oryndaryna sheteldik menedjerlerdi tartyp, álemdik ýnıversıtetterdiń kampýstaryn ashý qajet», dep qazaqstandyq joǵary oqý oryndary aldyna jańa talaptar júktep otyr.
О́z basym Elbasynyń bul talaptaryn zamanǵa laıyq, kezeńi kelgen jáne oryndalýy asa qajet mindetter dep sanaımyn. Qazirgi tańda Halel Dosmuhamedov atyndaǵy Atyraý memlekettik ýnıversıtetinde Elbasy tapsyrmalarynan týyndaıtyn jumystar qolǵa alynyp, jańasha strategııalyq damý jospary jasalynyp jatyr. Búginde Atyraý ýnıversıtetiniń ǵylymı-zertteý baǵytyndaǵy jumystaryn damytý úshin kóptegen shetel ýnıversıtetterimen jáne ǵylymı-zertteý uıymdarymen tyǵyz baılanystar ornady. Munyń barlyǵy memlekettik ýnıversıtetter Assosıasııasy aıasynda Kaspıı mańy memleketteri – Reseı, Iran, Ázerbaıjan, sondaı-aq AQSh, Ulybrıtanııa jáne Túrkııa elderimen qarym-qatynastan kórinedi. Bıylǵy oqý jylynda ýnıversıtetimizde «ENGLISH ONLY SPACE» – eki komponentten turatyn, aǵylshyn tilin úırenýge arnalǵan ınnovasııalyq keshen jáne «I SPACE» – stýdent jastarǵa, qala turǵyndaryna kásipkerlik mádenıet pen daǵdylardy qalyptastyrýǵa, startaptardy iske qosýǵa jáne jańa kompanııalardyń damýynyń bastapqy kezeńinde ósýine yqpal etýine baǵyttalǵan, ýnıversıtet qyzmetiniń ınnovasııalyq nysany, kovorkıng alańy syndy ortalyqtar iske qosyldy. Osy jumystardyń barlyǵy da Prezıdentimiz Nursultan Nazarbaevtyń ózgerister men syn-qaterlerge daıyn bolý qajettigin eskerip, «Qazaqstan-2050» damý strategııasyn qabyldap, «100 naqty qadam» Ult josparynyń júzege asyrylýynyń arqasynda qol jetkize alǵan jetistikterimiz dep bilemin. H.Dosmuhamedov atyndaǵy Atyraý memlekettik ýnıversıtetiniń professor-oqytýshylar quramy men barsha ujymy Elbasymyzdyń Tórtinshi ónerkásiptik revolıýsııa álemine beıimdelý men jetistikke jetý jolyn tabý jospary sanalatyn Joldaýyn tolyqtaı qoldap jańa zamanǵa saı bolý úshin jumyla eńbek etip, Qazaqstannyń jarqyn bolashaǵy jolynda bıik maqsattarǵa qol jetkizedi.
Abzal TALTENOV, Halel Dosmuhamedov atyndaǵy Atyraý memlekettik ýnıversıtetiniń rektory