Qazaqstan elshisi Horvatııanyń vıse-premerimen kezdesti

Kezdesý barysynda Hor­va­tııa Syrtqy ister mınıstr­liginiń basshysy Qazaqstandy BUU Qaýipsizdik Keńesindegi tóra­­ǵa­ly­ǵymen quttyqtap, alda­ǵy ýaqytta qazaqstandyq dıp­lo­mattarǵa tabystar tiledi.

Qazaqstan men Horvatııa arasyndaǵy dıplomatııalyq qatynastardyń 25 jyldyǵyna oraı M.Peıchınovıch-Býrıch eki­jaqty qatynastardyń jaı-kúıi men damý keleshegine joǵa­ry baǵa berdi. О́zara saýda-sat­tyq­tyń ósýi baıqaldy, onyń kó­lemi 2017 jyly qazaqstan­dyq statıstıka boıynsha 325 mln dollardan asty. О́tken jyl­dyń qazan aıynda ótkizil­gen vedomstvoaralyq konsýl­tasııalardyń mańyzy zor boldy, nátıjesinde 2018-2020 jyl­darǵa arnalǵan eki syrtqy saıası vedomstvo arasyndaǵy yntymaqtastyq josparyna qol qoıyldy.

Horvatııanyń SIM bas­shysy Astanadaǵy EKSPO-2017 ha­lyq­aralyq maman­dan­dy­ryl­ǵan kórmesiniń tabysty uıym­das­ty­ry­lýyn atap ótti.

Elshi Elbasy Nursultan Nazarbaevtyń Qazaqstan halqyna arna­ǵan «Tórtinshi ónerkásiptik revolıýsııa jaǵdaıyndaǵy da­mý­­dyń jańa múmkindikteri» atty Joldaýynyń mazmuny tý­­ra­­ly málimet berdi. Qujat­ta kór­setilgen tapsyrmalar­dyń júze­ge asyrylýy eki el arasyndaǵy saýda-ekonomıkalyq jáne ın­ves­­tısııalyq ynty­maqtastyq úshin qolaıly múm­kin­dikter týǵy­­za­tynyn atap ótti. Otandyq dıplomat Syrtqy ister mı­nıs­tri­ne quqyqtyq baza­ny keńeı­tý, syrtqy saıasat pen sala­lyq vedom­stvolar ara­syn­daǵy baılanystardy jandan­dyrý, saýda-eko­no­mı­kalyq jáne máde­nı-gýmanıtarlyq ynty­maq­tas­tyqty damytý jóninde júrgizilip jatqan jumystar týraly aqparat berdi.

«Egemen-aqparat»