Parlament Senatynyń depýtaty Sársenbaı Eńsegenov Atyraý oblysyndaǵy Qurmanǵazy aýdanynda boldy, sondaı-aq Farıza Ońǵarsynova atyndaǵy orta mekteptiń muǵalimderimen jáne Atyraý kentiniń turǵyndarymen kezdesti, dep habarlady Senattyń baspasóz qyzmeti.
S.Eńsegenov óz sózinde Memleket basshysy N.Nazarbaevtyń Tórtinshi ónerkásiptik revolıýsııa jaǵdaıyndaǵy elimizdiń damýyna arnalǵan Joldaýynyń negizgi erejelerin túsindirdi. Senator Joldaýdaǵy «Adamı kapıtal – jańǵyrý negizi» týraly jetinshi mindetti júzege asyrýdyń mańyzyna toqtaldy.
S.Eńsegenov «100 naqty qadam» Ult josparynda Prezıdent bilim berý júıesin álemdegi úzdik standarttar deńgeıine jetkizý jáne básekege qabilettilikti arttyrý týraly tapsyrma bergenin eske saldy. Senator sondaı-aq jas urpaq qazirgi zamanǵy tehnologııalardy tolyq ıgerý úshin barlyq mektepterdi ınternetke qosýdyń mańyzdylyǵyn atap ótti.