2018 jylǵy 23 qańtarda Amsterdam qalasy okrýgtik soty Bank of New York Mellon bankiniń kastodıaldyq saqtaýyndaǵy Ulttyq qordyń aktıvterinen shekteýdi joıý jónindegi Qazaqstan Respýblıkasy Ulttyq bankiniń ótinishhatyn qanaǵattandyrdy. Bul týraly Ádilet mınıstrliginiń baspasóz qyzmeti habarlady.
Sot Ulttyq banktiń jáne proseste úshinshi tarap retinde qatysqan Qazaqstan Respýblıkasy Ádilet mınıstrliginiń ustanymyn moıyndap, Ulttyq qorǵa qol suǵylmaıtyndaǵyn málimdedi.
"Nıderlandynyń sot organdary budan buryn Statıge dál osy aktıvterge shekteý qoıýdan bas tartqan bolatyn. Statı bul faktilerdi jasyra otyryp, sotty jańylystyrǵan. Sonymen qatar, sot Statıge qazaqstandyq tarapqa sot shyǵyndaryn óteýin uıǵardy. Belgııanyń sot organdary da osyndaı aldyn ala shekteý qoıdy. Oǵan shaǵym jasaý jónindegi jumys belgilengen tártipte jalǵastyrylýda", dep habarlaıdy Ádilet mınıstrliginiń baspasóz qyzmeti .