Qazaqstan ekpindi ózgerister qarsańynda

«...Álem Tórtinshi óner­kásip­tik revolıýsııa dáýirine, tehno­logııalyq, ekonomıkalyq jáne áleýmettik salalardaǵy tereń jáne qarqyndy ózgerister keze­ńine qadam basyp keledi», degen tu­jyrymnyń astarynda Pre­zı­dent jahandyq ólshemdegi ózge­risterge qazirden daıyn bolý shartyn qoıyp otyr.

Joldaýda kórsetilgendeı, Qazaq­stan ózi kózdegen maqsatty meje­lerdi senimdi baǵyndyryp, ózin­dik damý formasyn qalyptas­tyr­ǵan elge aınaldy. Sondyq­tan, ón­di­ris­ti ındýstrııalandyrý, kó­lik-lo­gıs­tıka salasyn damytý, qu­ry­lys pen kommýnaldyq sek­tor­ǵa kóńil bó­lý maqsatymen qatar, sapa­ly da sa­la­matty qoǵam qurý, áleý­met­tiń áleýe­tin arttyrý, eldiń rýhyn jań­ǵyr­tý sekildi mindetter de alǵa shyǵýda.

Prezıdent adamı kapıtaldy jańǵyrýdyń negizi retinde aı­qyndap, bilim berý men densaý­lyq saqtaý salalaryn odan ári damytyp, azamattarǵa áleýmettik qoldaý men kómek kórsetýdi arttyrýdy mindettep otyr. Ásirese,  «Bilim berý baǵdarlamalary­nyń negizgi basymdyǵy ózgeristerge únemi beıim bolý jáne jańa bilim­di meńgerý qabiletin damytý bolý­ǵa tıis», degen talap oryndy. Qazir­gi qu­byl­maly zamannyń raıyn baı­qa­saq, adam kez kelgen iske ıkemdi, ja­ńa­lyqqa jaqyn, alǵyr, synı kóz­qarasy qalyptasqan bolýy kerek.

Al osy qasıetterdi bala jas­tan ushtaý maqsatynda pedagog­tardy oqytý jáne olardyń bilik­tiligin arttyrý joldaryn qaıta qaraý, tipti jalaqylaryn 30 pa­ıyzǵa deıin ósirý ustanymy qup­­tarlyq. О́z kezeginde olar Pre­­zı­­dent aıtqan qoǵamymyzdyń ıdea­­lyna aınalýǵa jaraıtyn ózi­niń tarıhyn, tilin, mádenıe­tin bile­tin, sondaı-aq zamanyna laıyq, shet tilderin meńgergen, ozyq ári jahan­dyq kózqarasy bar azamattardy tárbıelep shy­ǵara alady.

Daǵdarysqa qaramastan, áleý­­met­tik salaǵa jumsalatyn shy­ǵyn­­­dardy arttyrý kózdelgeni de osy Joldaýda aıtylǵan. Bıyl­dyń ózin­de bul baǵytqa bólingen shyǵyn 12 paıyzǵa ósken eken. Osynyń esebinen zeınetaqy da, múgedek bala tárbıelep otyr­ǵan otbasylar úshin beriletin jár­dem­aqy da óspek. Osyndaı áleý­mettik qorǵaýdy shyn qajet etetin toptarǵa memlekettik dáre­jede qoldaý men janashyrlyq kórsetý ıgilikti is dep bilemin.   

Joldaýdy túıindegen taraýlar­dyń biri – «Jemqorlyqpen kúres jáne zańnyń ústemdigi» dep atalady. Munda kórsetilgen min­det­ter sot jáne quqyq qorǵaý organ­darynyń jumysyn jańǵyrtý bas­tamasymen sabaqtas, sondaı-aq onyń zańdy jalǵasy.

Elbasy Joldaýda bul baǵyttaǵy jumys nátıjelerine az-kem sholý jasap ótken. Sóz joq, qylmys­tyq zań­namany izgilendirýge qol jetkiz­dik, qylmystyq prosestegi azamattardyń quqyqtaryn qorǵaý isi kúsheıdi.

Sonymen qatar bárimizge belgili, jergilikti atqarýshy organdarǵa jáne jergilikti qoǵamdastyqqa esep beretin jergilikti polısııa qyzmeti quryldy. Polısııa qyz­met­kerlerin iskerlik qabilet­teri negizinde irikteý júıesi jaq­sar­tyldy. Munyń barlyǵy Elbasy belgilep bergen naqty damý qa­dam­darynyń jemisti júzege asyp kele jatqanyn kórsetedi. Pre­zıdent sońǵy Joldaýynda osy jumystardy jalǵastyrý qajet ekenin taǵy jetkizdi.

Qoǵamdyq tártipti saqtaý jáne qaýipsizdikti qamtamasyz etý salasy Elbasynyń jiti nazarynda. Sondyqtan Prezıdent bul salany da jańa tehnologııalarmen, ıntellektýaldy júıelermen etene baılanystyra damytýdy tapsyryp otyr. Osynyń negizinde «kóshelerde jáne adam kóp jınalatyn qoǵamdyq oryndarda beı­nebaqylaý júrgizetin, azamattardy anyqtaıtyn jáne jol qozǵalysyn qadaǵalaıtyn ın­tel­­lek­týaldy júıelerdi belsen­di túrde engizý kerek». Bul ishki ister organdarynyń qyz­metine, onyń ishinde quqyq buzýshy­lyq­tar­dyń aldyn alý men anyqtaý jumys­taryna tyń serpin bereri sózsiz.

Elbasy Joldaýy álem Tórtin­shi ónerkásiptik revolıýsııa dep atalatyn jańa kezeńge aıaq bas­qan tusta jarııalanyp otyr. Pre­zı­dent N.Nazarbaev bul úrdisti Qazaqstannyń damyǵan 30 eldiń qataryna kirý jolyndaǵy tarıhı múmkindik dep qarastyrǵan. Qoǵam ómiriniń kez kelgen salasyna qulashy keń, múmkindigi mol jańa tehnologııalardy kiriktirý arqyly elimiz tańdap alǵan damý jolyn dańǵyl etý nıetinen eshkim de qalys qalmaq emes.

Ishki ister organdary da óz qyz­me­tinde Elbasynyń osy strate­gııalyq josparlaryn, naqty tapsyrmalaryn nazarda ustap, ilgeri damı bermek.

О́mirzaq BOLSAMBEKOV,

Ishki ister organdary men Ulttyq ulan ardagerleri qazaqstandyq keńesiniń tóraǵasy, mılısııa general-maıory