Astana – álem nazarynda

Iаdrolyq qarýdan  bas tartqan Qazaqstan óz tájirıbesimen bólisti

О́z erkimen ıadrolyq qarýdan bas tartqan memleketter kóp emes. So­lar­dyń biri – ıadrolyq qory álem boı­ynsha tórtinshi orynda bolǵan Qazaqstan. Nikkei basylymyna bergen suhbatynda Qazaqstannyń BUU janyndaǵy turaqty ókili Qaırat Omarov ýaqyt bul sheshimniń durys bol­ǵanyn dáleldegenin aıtty. «Biz bul sheshimdi maqtan tutamyz», dedi ol.

1 qańtarda Qazaqstan Ortalyq Azııa memleketteri arasynda birinshi bolyp BUU Qaýipsizdik Keńesi tóraǵalyǵyn bas­tady. Bul Astana úshin úlken dıplomatııalyq ımpýls boldy. Buǵan deıin Qazaqstan Sırııadaǵy máselege baı­lanysty kelissózder júrgizý ala­ńy­na aınal­ǵany belgili.

Qazaqstan 1991 jyly táýel­sizdigin alǵannan beri jyldam damýda. Bul úlken jetistik, sebebi Qaırat Oma­rov­tyń aıtýynsha, ol kezderi bıýd­­jet­te qarjy bolmaǵan jáne ın­­flıa­sııa 200 prosentke jetken. Son­daı qı­yn­dyqtarǵa qaramastan, mem­leket ıad­ro­lyq qarýsyz joldy tań­dady. «Nur­sul­tan Nazarbaev biz álem­ge ıadrolyq qa­rýymyzben emes, eko­nomıkalyq qý­atymyzben kózge tú­sý kerekpiz dep aıt­ty», dedi Qaırat Omarov.

18 qańtarda BUU Qaýipsizdik Keńesindegi «Jappaı qyryp-joıatyn qarýdy taratpaý: senim sharalary» taqyryby boıynsha joǵary deń­geı­de­gi pikirtalas kezinde Nursultan Nazarbaev Qazaqstannyń tańdaýy basqa memleketterge úlgi bola alatynyn aıtty. «Qazaqstan ıadrolyq qarýdan bas tartyp, halyqaralyq arenada joǵary bedelge ıe boldy. Biz Soltústik Koreıany osy joldy tańdaýǵa shaqyramyz», dedi ol.

Qazaqstandaǵy jasóspirimder arasynda sıfrly saýattylyq joǵary deńgeıde

Qazaqstannyń Narhoz ýnıver­sıteti tehnologııaǵa jaqyn Z urpaq týraly áleýmettik zertteý júrgizipti. Olar Astana men Almatydan basqa 6 iri qalada 14-17 jas aralyǵyndaǵy 1500 jas­óspirimge saýaldama ótkiz­gen. Saýaldama nátıjeleri bul urpaqtyń ot­basy, densaýlyq pen mansapty bas­ty orynǵa qoıatynyn kórsetti.

Z urpaǵy durys tamaqtaný men salamatty ómir saltyna kóp kóńil bó­ledi. Sondaı-aq jasóspirimder teh­nologııalardyń óz ómirine áserin to­lyqtaı biledi. Zertteý nátıjeleri kór­setkendeı, Qazaqstandaǵy sıfr­ly saýattylyq pen áleýmettik je­lilerdegi belsendilik joǵary deń­geıde. Sonymen qatar Narhoz saý­al­­damasy jastardyń ýnıversıtet­ke bar­ǵysy keletinin, shákirtaqy alý arqyly shyǵyndaryn azaıtqysy keletinin kórsetti.

Qazaqstan jastary aqparat qyz­me­tiniń bas dırektory Irına Med­nıkova jastardyń kóbi ata-anasynan da kóp aqsha taba ala­tyn­daryna senimdi ekenin aıtty. «Olar jahan­dyq eń­bek naryǵy ekonomıkaǵa qaraı tez beıim­de­letinin jaqsy túsinedi», dedi ol The Diplomat-qa bergen suhbatynda.

Astanadaǵy túrki kitaphanasynda 50 myń kitap bar

Qazaqstandaǵy Túrki kitapha­na­synyń qory on jyldyń ishinde 50 myń kitap pen qoljazbaǵa jetti. Sondyqtan da otandyq jáne sheteldik sarap­shylar, túrki taqyrybyn zert­teýshi stýdentter kitaphana kóme­gine kóptep júginetin bolǵan.

 Astanadaǵy Beıbitshilik jáne ke­lisim saraıyndaǵy Túrki kitap­h­a­na­syn­da myńdaǵan kitap pen qol­jazba kó­shirmesi bar. Bul ki­tap­ha­nanyń maqsaty – túrki zert­teý­shileriniń arnaıy qoryn qurý.

Kitaphana mamandarynyń aıtýynsha, kitaphanaǵa Astanadaǵy mamandar ǵana emes, Qazaqstannyń basqa qalalarynda oqıtyn stýdentter, shetelden kelgen zertteýshiler, ásirese vengrler jıi keledi eken.

2010 jyly kitaphana ashylǵanda munda Qazaqstan ǵylymı kitap­ha­nasynan alynǵan 1500 kitap, Túr­kııa­dan ákelingen 850 kitap qana bol­ǵan. Qazir ol 50 myńǵa jetti.

 

Daıyndaǵan

Gúlnur QÝANYShBEKQYZY, 

«Egemen Qazaqstan»