Innovasııany ıgerý qurylys salasynda da qarqyndy

Úkimette ótken baspasóz más­lı­hatynda Investısııalar jáne damý mınıstrliginiń Qu­ry­lys jáne turǵyn úı-kom­mý­naldyq sharýashylyq isteri komıteti tóraǵasynyń oryn­basary Beıbit Shahanov, «TKSh QazOrtalyǵy» AQ basqar­ma tóraǵasy Nursultan Jıen­baev qatysyp, Memleket bas­shy­synyń bıylǵy Joldaýynyń besinshi baǵytyn iske asyrý bo­ıynsha atqarylyp jatqan jumystar jaıyn aıtyp berdi. 

Beıbit Shahanov atap ót­ken­deı, Elbasynyń «Tórtinshi ónerkásiptik revolıýsııa jaǵ­daıyndaǵy damýdyń jańa múmkindikteri» Joldaýynda qurylystyń jańa ádisterin jáne jobalaýdyń basqa da tá­sil­derin qoldaný qarastyryl­ǵan. Osyǵan oraı qazirgi tań­da elimizde qurylys salasyna eýro­kodtardy engizý jáne norma­tıvtik bazany jetildirý ke­zeńi aıaqtalyp qaldy, bul she­teldik ınvestorlar úshin ke­der­gini alyp tastaýǵa múmkindik be­­redi.

B.Shahanov budan ári «Nur­ly jer» turǵyn úı qurylysy baǵ­darlamasynyń júzege asyry­lýy týraly da aıtyp berdi. Máselen baǵdarlama iske qo­sylǵaly beri 11,2 mln shar­shy metr turǵyn úı paıda­lanýǵa berilip, 100,8 myń­nan astam otbasy ózderiniń tur­ǵyn úı jaǵdaılaryn jaq­sartý múmkindigine ıe bolǵan. 

Al «TKSh QazOrtalyǵy» AQ bas­qarma tóraǵasy N.Jıen­baev óz kezeginde tur­ǵyn úı-kom­mý­naldyq ınfra­qu­ry­lymdy jańǵyrtýda memle­ket-jeke­menshik áriptestigi qaǵı­dasyn da­mytý týraly aıtty. Elbasy Joldaýynda bul másele boıynsha, ıaǵnı memle­ket-jekemenshik árip­tes­tigi negizinde turǵyn úı-kommýnaldyq ınfraqury­lym­dy jańǵyrtý jóninde mindet qoı­ǵan bolatyn. N.Jıen­baev­tyń aıtýynsha, Qurylys jáne TKSh isteri komıteti «TKSh Qaz­Ortalyǵy» AQ-pen birge Qazaq­stannyń ınfraqu­ry­lym­dyq-turǵyn úı keshenine MJÁ engizý boıynsha jumysty jan­­dandyrdy. Barlyq óńir­ler­den MJÁ qanatqaqty jo­ba­­larynyń tizimi jasaldy. Olar­dyń ishinde Almaty ob­lysy Qapshaǵaı qalasy tazart­qysh qu­rylymdardy jóndeý jáne salý, Mańǵystaý oblysy, Qu­ryq aýylynda tushytqysh zaýyt qurylysy, Astana qala­sy­­nyń káriz-tazartqysh qury­lym­daryn salý jáne «Qyzyl­orda sý júıesi» memlekettik-kom­­mý­nal­dyq kásipornyn se­nimdi bas­qarýǵa berý bar. Sek­­tor­da kom­mer­sııalandyrý úde­risi tolyq qarqynmen júrip jatyr. 

Dınara BITIK, Egemen Qazaqstan