Aqtaýda óńirlik kommýnıkasııalar qyzmetinde sybaılas jemqorlyq táýekelderin syrtqy taldaý jáne Sybaılas jemqorlyqqa qarsy strategııasyn júzege asyrý boıynsha arnaıy monıtorıng tobynyń brıfıngi uıymdastyryldy.
Is-sharaǵa QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń, «Nur Otan» partııasy Mańǵystaý oblystyq fılıalynyń, «Mańǵystaý oblysynyń azamattyq alıansy» zańdy tulǵalar birlestiginiń ókilderi jáne sybaılas jemqorlyqqa qarsy mobıldik top músheleri qatysty.
Kirispe sózinde QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń «Sybaılas jemqorlyq profılaktıkasy basqarmasy» basshysy N. Aıtjanov, arnaıy monıtorıng tobynyń maqsattary men mindetteri, 2017 jylǵy atqarylǵan jumysy jáne aldaǵy ýaqytta josparlanǵan is-sharalarmen tanystyrdy.
О́z kezeginde arnaıy monıtorıng tobynyń múshesi N.Oqýov, arnaıy monıtorıng jáne sybaılas jemqorlyqqa qarsy mobıldik toptarynyń jurtshylyqpen kezdesýleri barysynda anyqtalǵan máselelerge basa mán berip, kásiporyndardyń, oqý oryndarynyń, densaýlyq saqtaý mekemeleri men jeke-menshik fırmalardyń eńbek ujymdarynda sybaılas jemqorlyqqa qarsy mádenıetti qalyptastyrý boıynsha josparlaryna toqtaldy.
«Arnaıy monıtorıng tobynyń» tóraıymy J.Ahmetova, aldaǵy josparlarda azamattardyń, belsendi kózqarastaǵy turǵyndardyń, qoǵamdyq birlestikter men bıznes-qaýymdastyq ókilderiniń usynystary eskerilgendigin jetkizdi. Jáne de sybaılas jemqorlyq táýekelderin anyqtaý boıynsha arnaıy toptyń qyzmetine azamattyq qoǵam ınstıtýttarynyń ókilderin belsendi qatysýǵa shaqyrdy.
QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń úılestirýimen arnaıy monıtorıng toby qurylyp, quramyna belsendi qoǵam ókilderi, jýrnalıster, blogerler, úkimettik emes uıymdar men saıası partııa ókilderi engen bolatyn.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy