SQO: Asqar Mamın óńiraralyq yntymaqtastyq forýmyna daıyndyq barysymen tanysty

Injenerlik-kom­mýnıkasııalyq júıe­ler aýys­tyrylǵan. Rent­gen-televızııalyq tekse­rý qurylǵylary, beı­ne­baqylaý kameralary ornatylǵan. Búgingi kúni kez kelgen sanattaǵy áýe kemelerin qabyldaı alady. Aımaq basshysy Qumar Aqsaqalovtyń áýejaı esebindegi arnaıy tehnıkalar eski, aýystyrýdy qajet etedi degen ótinishine oraı satyp alý múmkindikteri qarastyrylatyn boldy. Áýejaıǵa aparatyn tasjoldy qalpyna keltirýge 985 mıllıon teńge jum­salmaq.

Forým qonaqtarynyń kópshiligi áýe jáne avto­mobıl joldarymen kele­tini eskerilip, «Astana – Petropavl» jol dálizi qal­pyna keltirilgen. Endi uzyndyǵy 60 shaqyrym bolatyn oblys ortalyǵy men Reseı shekarasy arasyndaǵy tasjol jón­delýde. Sondaı-aq qalaǵa kireberistegi jol ót­kelin jóndeý qolǵa alynǵan. Oǵan «Nurly jol» baǵdarlamasy sheń­berinde 1,2 mıllıard teńge qaras­tyrylǵan. Sıqy ketken temir jol vokzaly jańaryp, lıft, eskalator qoıylady. Kó­she­lerge elektr qýatyn únem­deıtin shamdar ornatylady. Osy­laısha qala abatttandyrylyp, ózgeshe sáýletpen órnekteletin bo­lady.

Premer-Mınıstrdiń bi­rinshi orynbasaryna ja­ńadan boı kótergen «Jas órken» shaǵyn aýdanynda qyzý júrgizilip jatqan qu­rylys jumystarynyń keshendi jospary tanystyryldy. Bul aýmaqta 2700 páterdi qoldanysqa berý belgilengen. Sport saraıy men tennıs orta­lyǵynyń qurylysy aıaq­taldy. Qazaq teatrynyń qazyǵy qaǵylyp, irgetasy qalandy. Oblys ákimi bıyl salynatyn oqýshylar saraıy IT-tehnologııalarmen jaraqtandyrylyp, bala­lardyń ǵylym­men shu­ǵyldanýyna keń jol ashy­latynyn, tanymdyq jáne túrli oıyn-saýyq qyzmet túrleri qurylatynyn baıandady. Derbes kınostýdııa, kıberqaýipsizdik jáne vırtýaldy kabınetter, baǵdarlaý zerthanasy, kınoteatr jumys isteıdi. Osy shaǵyn aýdanda Turǵyn úı-qurylys jınaq banki salymshylaryna arnalǵan 332 páterli jańa baspana, árqaısysy 90 oryndyq eki shaǵyn ortalyq óz esigin aıqara ashady. Jobanyń jalpy quny 3,7 mıllıard teńgeni quraıdy. 

A.Mamınniń qaty­sýy­men ótken jıynda Qazaqstan jáne Reseı óńiraralyq yntymaqtastyq forýmyna ázirlik shara­lary jan-jaqty tal­qy­landy. Forýmǵa «Qa­zaqstan já­ne Reseı týrız­min da­mytýdyń jańa qyr­lary men baǵyttary» taqy­rybynyń tańdap alynýy kezdeısoqtyq emes. Qa­zaqstan bul salaǵa úl­ken kóńil bólip keledi. Soltústik Qazaqstan da zor múm­kindikterge ıe. Ishki áleýetti barynsha paıdala­nýy­myz qajet. Kórshi eldiń naryǵyna shyǵýdyń jol­daryn qarastyrý kerek, deı kelip A.Mamın fo­rýmdy joǵary deńgeıde ótkizý qazirgi atqarylyp jatqan sharalarmen ty­ǵyz baılanysty ekenin, qala ınfraqurylymyna basa nazar aýdarý qa­jet­tigin, qajet bolsa qo­symsha qarajat qa­ras­ty­rylatynyn atap kór­setti. Petropavl – Reseı she­ka­rasy avtojolyn jedel aıaqtaýdy tapsyrdy.

Q.Aqsaqalov óz sózinde týrızm salasy boıynsha birneshe aýqym­dy jo­balardyń júzege asyrylyp jatqanyn, Imantaý – Shalqar aımaǵynda ja­ńa demalys oryndary men avtokarnıng iske qosy­latynyn jetkizdi. Forýmǵa bir myńnan astam meıman keledi dep kútilýde. Búginde 750 oryndyq qonaqúıler daıyn.

Premer-Mınıstrdiń birinshi orynbasary ZIKSTO, Petropavl aýyr mashına jasaý jáne S.Kı­rov atyndaǵy zaýyttarda bolyp, ujymdarmen kez­desti. Atqarylǵan ister­men, aldaǵy josparlarmen tanysty. 

О́mir ESQALI, «Egemen Qazaqstan»

Soltústik Qazaqstan oblysy