«Bıyl qazaqstandyqtarǵa beriletin shaǵyn nesıeniń byltyrǵymen salystyrǵanda 20 mlrd teńgege kóbeıtýdi tapsyramyn. Sonda onyń jalpy somasy 22 mlrd bolady. Nátıjesinde nesıe alyp óz isin bastaıtyn azamattardyń sany byltyrǵydan eki esege artyp, 14 myńǵa jetetin bolady», dedi Parlament palatalarynyń birlesken otyrysynda jańa áleýmettik bastamalardy jarııa etken Nursultan Nazarbaev .
Memleket basshysy shaǵyn nesıeniń kásip kózin ashýshylarǵa, ásirese aýyldaǵy halyqqa tıimdi ekenin aıtty.
«Shaǵyn nesıeniń qandaı paıdasy bar ekenin osy jyldar ishinde biz kórdik. Ásirese, aýyldaǵy aǵaıyndarǵa, ár januıaǵa. Bıyl berilgen nesıe kelesi jyly qaıtyp kelip jatyr. Myńdaǵan adam jumys alady», dedi Prezıdent.