Qazaqstanda Alakól kýrorttyq aımaǵyna poıyz jáne áýe bıletterin satý merzimi belgili boldy. Bul týraly Kólik vıse-mınıstri Maqsat Qalıaqparov Májilistegi otyrysta málimdedi, dep habarlaıdy Egemen.kz.
Onyń aıtýynsha, áýe baǵyttaryna sýbsıdııalar bekitilgen. Qazirgi ýaqytta áýe tasymaldaýshylaryn irikteý boıynsha konkýrs júrgizilip jatyr.
«Baıqaý rásimderi eki ret ótpeı qaldy. Tasymaldaýshylar tarıfterdi kóterýdi surady. Biz olardy qaıta qarap, úshinshi ret konkýrs jarııaladyq. Jaqyn arada baǵyttardy ashýdy josparlap otyrmyz, shamamen mamyr aıynyń ortasynan bastap. Bıletterdi satý konkýrs aıaqtalǵannan keıin birden bastalady», dedi vıse-mınıstr.
Sondaı-aq onyń sózinshe, temirjol bıletterin satý sáýir aıynyń ortasynda bastalady. Bul – baǵyt iske qosylǵanǵa deıingi (1 maýsym) 45 kún buryn júzege asady.
Alakól jaǵalaýyn jaqsartýǵa 1 mlrd teńge bólinedi