Qala prokýratýrasy ákimdiktegi memlekettik qyzmetshilerdiń qyzmettik ádep normalaryn buzý faktilerin anyqtady, dep habarlaıdy Egemen.kz.
Pavlodar oblysy prokýratýrasynyń málimetinshe, laýazymdy tulǵalar zańnamalyq tyıymǵa qaramastan býkmekerlik keńselerde belsendi shottarǵa ıe bolǵan. Mysaly, TKSh, jolaýshylar kóligi jáne avtomobıl joldary bóliminiń sektor meńgerýshisiniń jeke shoty boıynsha aınalym 6,8 mln teńgeni quraǵan.
«Uqsas zańbuzýshylyqtar aýyldyq okrýg ákimi, Turǵyn úı ınspeksııasy bóliminiń basshysynyń orynbasary, sondaı-aq qala ákimdiginiń qurylymdyq bólimsheleriniń 7 qyzmetkeri tarapynan da anyqtaldy», delingen oblys prokýratýrasynyń habarlamasynda.
Qylmystyq qýdalaýǵa tartylǵan memlekettik qyzmetshilerdiń úlesi 0,3%-ǵa qysqardy
Qyzmettik tekserý nátıjeleri boıynsha barlyq quqyqbuzýshylyq faktileri jónindegi materıaldar Pavlodar oblysy boıynsha Memlekettik qyzmet isteri departamentiniń Ádep jónindegi keńesine joldanǵan.
Memlekettik qyzmetshiler tarapynan ádep normalary men minez-qulyq qaǵıdalaryn saqtaýǵa baqylaýdy álsiz júrgizgeni úshin qala ákimi apparatynyń jaýapty basshysy tártiptik jaýapkershilikke tartylyp otyr.
Memlekettik qyzmetshilerdiń quqyǵy qalaı qorǵalady?